Connect with us
48 birthday
top banner (1)

chennai

ഊട്ടിയില്‍ കെട്ടിട നിർമ്മാണത്തിനിടെ മണ്ണിടിഞ്ഞുവീണ് 6 സ്ത്രീ തൊഴിലാളികൾ മരിച്ചു

Avatar

Published

on

ഊട്ടി: ഊട്ടിയില്‍ കെട്ടിടത്തിന്റെ സംരക്ഷണഭിത്തി നിർമ്മിക്കുന്നതിനിടെ മണ്ണിടിഞ്ഞ് ആറ് സ്ത്രീ തൊഴിലാളികള്‍ മരിച്ചു.നാല് പേർക്ക് പരിക്കേറ്റു. ഊട്ടി സ്വദേശികളായ രാധ (38), സെകില(30), ഉമ(35), ഭാഗ്യം(36), സംഗീത(30), മുത്തുലക്ഷ്മി(36) എന്നിവരാണ് മണ്ണിനടിയില്‍പെട്ട് മരിച്ചത്. പരിക്കേറ്റ മഹേഷ്(23), ശാന്തി (45), ജയന്തി(56), തോമസ്(23) എന്നിവരെ ഊട്ടി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ബുധൻ പകല്‍ പന്ത്രണ്ടോടെ ഊട്ടി ടൗണില്‍നിന്ന് അഞ്ച് കിലോമീറ്റർ അകലെ കുന്ത – മഞ്ചൂർ റോഡിലെ ലൗഡെയില്‍ ഗാന്ധിനഗറിലായിരുന്നു അപകടം. സ്വകാര്യ വ്യക്തിയുടെ കെട്ടിടത്തിന് സംരക്ഷണഭിത്തി നിർമ്മിക്കുന്ന പ്രവൃത്തിക്കിടെ മുകള്‍ഭാഗത്ത് ഉണ്ടായിരുന്ന പഴയ ശൗചാലയം ഉള്‍പ്പെടെ മണ്ണിടിഞ്ഞ് തൊഴിലാളികളുടെമേല്‍ പതിക്കുകയായിരുന്നു. ഊട്ടി, കൂനൂർ എന്നിവിടങ്ങളില്‍നിന്ന് അഗ്‌നിരക്ഷാസേനയെത്തിയാണ് രക്ഷാപ്രവർത്തനം നടത്തിയത്. മണ്ണുമാന്തി യന്ത്രം ഉപയോഗിച്ച്‌ മണ്ണ് മാറ്റി തൊഴിലാളികളെ പുറത്തെടുക്കുമ്ബോഴേക്കും ആറുപേർ മരിച്ചിരുന്നു.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

chennai

രാജീവ്‌ ഗാന്ധി വധക്കേസിൽ ജയിൽമോചിതനായ ശാന്തൻ മരിച്ചു

Published

on

ചെന്നൈ: രാജീവ്‌ ഗാന്ധി വധക്കേസിൽ ജയിൽമോചിതനായ ശാന്തൻ മരിച്ചു. ചെന്നൈയിലെ ആശുപത്രിയിൽ തീവ്രപരിചരണവിഭാഗത്തിൽ ചികിത്സയിൽ കഴിയുകയായിരുന്നു ശാന്തൻ. കരൾ രോഗത്തിനുള്ള ചികിത്സയിലാണ് ശാന്തനുണ്ടായിരുന്നതെന്നാണ് ആരോഗ്യമന്ത്രി മാ സുബ്രമണ്യൻ വിശദമാക്കിയത്. ശാന്തന് ശ്രീലങ്കയിലേക്ക് പോകാനുള്ള എക്‌സിറ്റ് പെർമിറ്റ്‌ കേന്ദ്രം നൽകിയിരുന്നു.രാജീവ് ഗാന്ധി വധക്കേസിൽ ശിക്ഷാ കാലാവധി പൂർത്തിയാക്കും മുൻപ് വിട്ടയച്ച ഏഴ് പ്രതികളിലൊരാളായിരുന്നു ശാന്തൻ എന്ന സുതേന്ദിരരാജ. ബുധനാഴ്ച രാവിലെ രാജീവ് ഗാന്ധി ഗവൺമെന്റ് ജനറൽ ഹോസ്പിറ്റലിൽ വച്ചായിരുന്നു അന്ത്യം. പ്രായമായ അമ്മയെ കാണാനായി ശ്രീലങ്കയിലെത്താനും അവിടെ താമസിക്കാനും ശാന്തൻ നേരത്തെ ശ്രീലങ്കൻ പ്രസിഡന്റിനോട് സഹായം ആവശ്യപ്പെച്ചിരുന്നു.

2022 മെയ് മാസത്തിലാണ് സുപ്രീം കോടതി ശിക്ഷാ കാലയളവ് പൂർത്തിയാകും മുൻപ് രാജീവ് ഗാന്ധി വധക്കേസിലെ ഏഴ് പ്രതികളെ മോചിപ്പിച്ചത്.

Advertisement
VKSHNM NWS KWT 1000 x 180 PX-01
Continue Reading

chennai

വിശാഖപട്ടണത്ത ബൈജൂസ് ആകാശ് ട്യൂഷന്‍ സെന്ററില്‍ വന്‍ തീപിടിത്തം

Published

on


വിശാഖപട്ടണം: ആന്ധ്രയിലെ വിശാഖപട്ടണത്ത് ബൈജൂസ് ആകാശ് ട്യൂഷന്‍ സെന്ററില്‍ വന്‍ തീപിടിത്തം. വിശാഖപട്ടണത്തെ ഗാജുവാകയിലുള്ള ട്യൂഷന്‍ സെന്റര്‍ പ്രവര്‍ത്തിച്ചിരുന്ന കെട്ടിടത്തിലാണ് തീ പടര്‍ന്നത്. സ്ഥാപനത്തിലെ എല്ലാ ഉപകരണങ്ങളും കത്തി നശിച്ചു. ചൊവ്വാഴ്ച രാവിലെയാണ് തീപിടുത്തമുണ്ടായത്. രണ്ടാം നിലയില്‍ നിന്ന് പടര്‍ന്ന തീ മൂന്നാം നിലയിലേക്കും പടരുകയായിരുന്നു. മൂന്നാം നിലയില്‍ പ്രവര്‍ത്തിച്ചിരുന്ന ഭക്ഷണശാലയ്ക്കും അഗ്‌നിബാധയില്‍ കേടുപാടുകള്‍ സംഭവിച്ചിട്ടുണ്ട്.

സംഭവത്തില്‍ ആര്‍ക്കും പരിക്കുകളില്ലെന്നാണ് വിവരം. ഇലക്ട്രിക്കല്‍ ഷോര്‍ട്ട് സര്‍ക്യൂട്ടാണ് അഗ്‌നിബാധയ്ക്ക് കാരണമെന്നാണ് സംശയിക്കുന്നത്. വിവരം അറിഞ്ഞതിന് പിന്നാലെ സംഭവ സ്ഥലത്ത് എത്തിയ അഗ്‌നിരക്ഷാ സേന ഏറെനേരം പാടുപെട്ടാണ് തീയണച്ചത്. സംഭവത്തില്‍ പൊലീസ് അന്വേഷണം ആരംഭിച്ചിട്ടുണ്ട്. അതേസമയം ഇഡി നടപടികള്‍ കടുപ്പിച്ചതോടെ ബൈജൂസ് ആപ്പിന്റെ ഉടമയും മലയാളിയുമായ ബൈജു രവീന്ദ്രന്‍ ഇന്ത്യ വിട്ടെന്നാണ് സൂചന.

Advertisement
VKSHNM NWS KWT 1000 x 180 PX-01

ബൈജു രവീന്ദ്രനെതിരെ കഴിഞ്ഞ ദിവസം ഇഡി ലുക്കൗട്ട് നോട്ടീസ് പുറത്തിറക്കിയിരുന്നു. ലോകം മുഴുവന്‍ അത്ഭുതത്തോടെ നോക്കിനിന്ന വളര്‍ച്ചയായിരുന്നു മലയാളിയായ ബൈജു രവീന്ദ്രന്റെ സ്റ്റാര്‍ട്ടപ്പ് സംരഭം ബൈജൂസ് ലേണിംഗ് ആപ്പിന്റേത്. എന്നാല്‍ വളര്‍ച്ചയേക്കാള്‍ വേഗത്തിലായിരുന്നു ബൈജൂസിന്റെ തകര്‍ച്ചയും. 2011 ലാണ് എം ബി എ വിദ്യാര്‍ത്ഥികള്‍ മുതല്‍ സ്‌കൂള്‍ വിദ്യാര്‍ത്ഥികളെ ലക്ഷ്യമിട്ട് തിങ്ക് ആന്‍ഡ് ലേണ്‍ കമ്പനി ആരംഭിക്കുന്നത്. അത് പ്രതീക്ഷയ്ക്കപ്പുറം വിജയം കണ്ടതോടെ 2015 ല്‍ ബൈജൂസ് ദി ലേണിംഗ് പിറവിയെടുത്തു. ബോര്‍ഡ് എകസാം മുതല്‍ കിന്‍ഡര്‍ ഗാര്‍ഡന്‍ വരെയുള് സിലബസുകള്‍ ഒരു കുടക്കീഴില്‍ കൊണ്ടുവന്നതോടെ ബൈജൂസിന് തിരിഞ്ഞ് നോക്കേണ്ടി വന്നിരുന്നില്ല. ലോകം കൊവിഡിന്റെ പിടിയിലമര്‍ന്നപ്പോള്‍ ഗുണം ചെയ്തത് ബൈജൂസിനായിരുന്നു.

2020 കമ്പനി മൂല്യം 22 ബില്യണ്‍ ഡോളറായി ഉയര്‍ന്നു. പണം കുമിഞ്ഞ് കൂടിയതോടെ ബിസിനസ് വിപുലപ്പെടുത്താന്‍ ശ്രമിച്ചതാണ് ബൈജൂസിന്റെ തലവര മാറ്റിയത്. നഷ്ടത്തിലായിരുന്ന കോഡിംഗ് പ്ലാറ്റ്‌ഫോം വൈറ്റ് ഹാറ്റ് ജൂനിയര്‍, ആകാശ് ഇന്‍സ്റ്റിറ്യൂട്ട്, ഗ്രേറ്റ് ലേണിംഗ് തുടങ്ങിയ കമ്പനികള്‍ ഏറ്റെടുത്തതോടെ തകര്‍ച്ച ആരംഭിച്ചു. ലോക്ഡൗണ്‍ അവസാനിച്ച് കുട്ടികള്‍ സാകൂളില്‍ പോയി തുടങ്ങിയതും തിരിച്ചടിയായി. ഇതിന് പുറമേ യുഎസ് ഫെഡറല്‍ റിസര്‍വ് സാമ്പത്തിക നയങ്ങളില്‍ വരുത്തിയ മാറ്റങ്ങളും ബൈജൂസിന് ഇരുട്ടടിയായി. അമേരിക്കന്‍ വിപണി ലക്ഷ്യമിട്ട് നടത്തിയ പദ്ധതികള്‍ മുഴുവന്‍ പാളി. പിന്നാലെ 2022 ല്‍ ബൈജൂസിനെതിരെ ഇ ഡി നടപടി ആരംഭിക്കുകയായിരുന്നു.

Advertisement
VKSHNM NWS KWT 1000 x 180 PX-01
Continue Reading

chennai

സിടിഎംഎയുടെ പുതിയ അധ്യക്ഷനായി വി.സി.പ്രവീൺ

Published

on

ചെന്നൈ: തമിഴകത്തെ മലയാളി കൂട്ടായ്മയുടെ ശബ്ദമായ കോൺഫെഡറേഷൻ ഓഫ് തമിഴ്നാട് മലയാളി അസോസിയേഷൻസിനെ (സി.ടി.എം.എ.) നയിക്കാൻ ഇനി പുതിയ നേതൃത്വം. മറുനാടൻ മലയാളികളുടെ കലാ സാംസ്‌കാരിക പ്രവർത്തങ്ങൾക്ക് കരുത്ത് പകരാനും, തമിഴ്നാട്ടിലുള്ള 120 മലയാളി സംഘടനകളെ ഒറ്റക്കെട്ടായി മുന്നോട്ടുകൊണ്ടുപോകാനും ‘ശ്രീഗോകുലം ഗ്രൂപ്പ് ഓഫ് കമ്പനി’കളുടെ വൈസ് ചെയർമാനും, സംഘടനാ പ്രവർത്തകനുമായ വി.സി.പ്രവീൺ അധ്യക്ഷനായി തിരഞ്ഞെടുക്കപ്പെട്ടു.

വി.സി.പ്രവീൺ

കഴിഞ്ഞ ഭരണ സമിതിയിലെ ജനറൽ സെക്രട്ടറി എം.പി.അൻവർ, ട്രഷറർ ആർ.രാധാകൃഷ്ണൻ എന്നിവർ ഇതേ പദവികളിൽ വീണ്ടും തുടരും. ചെന്നൈയിലുള്ള കെ.ടി.ഡി.സി. റെയിൻ ഡ്രോപ്‌സ് ഹോട്ടലിൽ നടന്ന വാർഷിക യോഗത്തിലാണ് പ്രസിഡന്റ്, 24 നിർവാഹക സമിതി അംഗങ്ങൾ, മറ്റു ഭാരവാഹികൾ എന്നിവരെ തിരഞ്ഞെടുത്തത്.

തമിഴ്നാട്ടിലുടനീളം സിടിഎംഎയെ വലിയ ശക്തിയാക്കുന്നതിന് പരിശ്രമിക്കുമെന്ന് സംഘടനയുടെ അധ്യക്ഷനായി തിരഞ്ഞെടുക്കപ്പെട്ട വി.സി.പ്രവീൺ പറഞ്ഞു. എല്ലാ മലയാളികൾക്കും ഗുണകരമാകുംവിധമുള്ള പദ്ധതികൾ നടപ്പാക്കും. സംഘടനയിലേക്ക് പുതിയ തലമുറയും സജീവമാകേണ്ടതുണ്ട്. അതിനാൽ ഭാവിയിലെ കാര്യങ്ങൾ കൂടി ലക്ഷ്യമിട്ടുള്ള പ്രവർത്തനങ്ങൾക്ക് ഊന്നൽ നൽകുമെന്നും അദ്ദേഹം വ്യക്തമാക്കി.

Advertisement
VKSHNM NWS KWT 1000 x 180 PX-01
Continue Reading

Featured