Kerala
മെഡിസെപ്പില് സര്ക്കാര് വിഹിതമായി 500 കോടി രൂപ
ഇന്ഷ്വറന്സ് കമ്പനിയ്ക്ക് ഉടന് കൈമാറണം
-ചവറ ജയകുമാര്
തിരുവനന്തപുരം:ജീവനക്കാരുടെ സമഗ്ര ആരോഗ്യ ഇന്ഷ്വറന്സ് പദ്ധതിയായ മെഡിസെപ്പ് കുറ്റമറ്റ രീതിയില് നടത്തുന്നതിന് സര്ക്കാര് അടിയന്തിരമായി 500 കോടി രൂപ ഇന്ഷ്വറന്സ് കമ്പനിയ്ക്ക് കൈമാറണമെന്ന് സെറ്റോ ചെയര്മാന് ചവറ ജയകുമാര് ആവശ്യപ്പെട്ടു.
മെഡിസെപ്പ് പദ്ധതിയില് സര്ക്കാര് വിഹിതം നല്കാന് ഇതുവരെ തയ്യാറായിട്ടില്ല. ഇത് ജീവനക്കാരുടെ ആരോഗ്യ സുരക്ഷാ പദ്ധതിയെ അവതാളിത്തിലാക്കുന്ന സാഹചര്യമാണ്. ജീവനക്കാരുടെ കൈയില് നിന്നും പ്രതിവര്ഷം 6000/- രൂപ വിഹിതമായി വാങ്ങിയാണ് ഈ പദ്ധതി നടപ്പില് വരുത്തിയത്. ഇതില് 4800/- രൂപ മാത്രമാണ് ഇന്ഷ്വറന്സ് കമ്പനിയ്ക്ക് നല്കുന്നത്. സര്ക്കാര് ജീവനക്കാരുടെ ആരോഗ്യ ഇന്ഷ്വറന്സ് പദ്ധതിയായിട്ടും ജി.എസ്.ടി ഇനത്തില് ഒരാളില് നിന്നും 864 രൂപയാണ് ഈടാക്കുന്നത്. ബാക്കി വരുന്ന 336 രൂപ കോര്പ്പസ് ഫണ്ടായി സര്ക്കാര് പിടിച്ചെടുക്കുകയാണ്.
സമഗ്ര ആരോഗ്യ ഇന്ഷ്വറന്സ് പദ്ധതിയായിട്ടാണ് മെഡിസെപ്പ് വിഭാവനം ചെയ്തിരുന്നതെങ്കിലും മികച്ച ആശുപത്രികളോ മികച്ച ചികിത്സയോ ലഭ്യമാക്കാന് കഴിഞ്ഞിട്ടില്ല. കേരളത്തില് ആകെ 479 ആശുപത്രികളാണ് ഈ പദ്ധതിയില് പങ്കാളികളായത്. ഈ ആശുപത്രികളെക്കുറിച്ച് പരാതികളും ഉയരുന്നുണ്ട്. പല ആശുപത്രികളും ചികിത്സയ്ക്ക് പണം ആവശ്യപ്പെടുന്നുണ്ട്. ഇത് പദ്ധതിയുടെ ലക്ഷ്യത്തെത്തന്നെ അട്ടിമറിക്കുന്ന സാഹചര്യമാണ്. ഗവണ്മെന്റിന്റെ പദ്ധതിയെന്ന് മേനി പറയുമ്പോഴും സര്ക്കാര് വിഹിതം നല്കാത്തത് നിരാശാജനകമാണ്. ഇത് തിരുത്താന് സര്ക്കാര് തയ്യാറാകണം.
മെഡിസെപ്പ് പദ്ധതിയുടെ വിഹിതം ഉയര്ത്തണെമന്ന് ഇന്ഷ്വറന്സ് കമ്പനി ആവശ്യപ്പെട്ടു എന്ന് മാധ്യമങ്ങള് റിപ്പോര്ട്ട് ചെയ്തിരിക്കുകയാണ്. ജീവനക്കാരുടെ സംഘടനകളുമായി കൂടിയാലോചന നടത്താതെ സര്ക്കാര് ഇക്കാര്യത്തില് തീരുമാനമെടുക്കരുത്.
ജീവനക്കാരുടെ കൈയില് നിന്നും പണം പിരിച്ചിട്ട് അവര്ക്ക് ചികിത്സ ലഭിക്കാത്ത സാഹചര്യമുണ്ടാക്കുന്നത് പ്രതിഷേധാര്ഹമാണ്. ഈ പദ്ധതി കുറ്റമറ്റ രീതിയില് നടപ്പാക്കാന് സര്ക്കാര് അടിയന്തിരമായി 500 കോടി രൂപ ഇന്ഷ്വറന്സ് കമ്പനിയ്ക്ക് കൈമാറണം. ജീവനക്കാരുടെ ആരോഗ്യ സുരക്ഷ സര്ക്കാരിന്റെ കര്ത്തവ്യമാണ്. ഇതില് നിന്നും പിന്മാറുന്ന സാഹചര്യം ഉണ്ടാകരുതെന്നും അദ്ദേഹം അറിയിച്ചു.
Kerala
പെട്ടി വിവാദം; സിപിഎം ജില്ലാ സമ്മേളനത്തിൽ എൻഎൻ കൃഷ്ണദാസിന് രൂക്ഷ വിമർശനം
ചിറ്റൂർ: പാലക്കാട് നിയമസഭാ ഉപതിരഞ്ഞെടുപ്പ് കാലത്ത് സിപിഎമ്മിന് ഏറേ നാണക്കേട് സൃഷ്ടിച്ച പെട്ടിവിവാദത്തിൽ മുതിർന്ന സിപിഎം നേതാവും മുൻ എംപിയുമായ എൻഎൻ കൃഷ്ണദാസിനെതിരെ ജില്ലാ സമ്മേളനത്തിലെ പ്രവർത്തന റിപ്പോർട്ടില് രൂക്ഷ വിമർശനം. എൻ എൻ കൃഷ്ണദാസിൻ്റെ പ്രസ്താവന പാർട്ടിയുടെ നേതാക്കള്ക്കിടയില് ഭിന്നതയുണ്ടെന്ന പ്രതീതിയുണ്ടാക്കിയെന്ന് റിപ്പോർട്ടില് കുറ്റപ്പെടുത്തുന്നു. മാധ്യമങ്ങളെ ഇറച്ചി കടയ്ക്ക് മുന്നിൽ നിൽക്കുന്ന പട്ടികൾ എന്ന് പറഞ്ഞ് അധിക്ഷേപിച്ചത് അനവസരത്തിലായിപ്പോയെന്നാണ് വിമർശനം. ഇറച്ചിക്കട പ്രയോഗം ഉപതെരഞ്ഞെടുപ്പില് മാധ്യമങ്ങളെ പാർട്ടിക്കെതിരാക്കിയെന്നും റിപ്പോർട്ടിലുണ്ട്.
Kannur
കോളേജ് യൂണിയന് ഫണ്ടില് നിന്ന് പണം നൽകിയില്ല, എസ്എഫ്ഐ യൂണിറ്റ് സെക്രട്ടറിയെ വളഞ്ഞിട്ട് മർദ്ദിച്ച് ഏരിയാ നേതാക്കള്
കണ്ണൂർ: പയ്യന്നൂരിൽ എസ്എഫ്ഐ യൂണിറ്റ് സെക്രട്ടറിയെ മർദിച്ച് ഏരിയാ നേതാക്കള്. കോളജ് യൂണിയന് ഫണ്ടില് നിന്ന് പണം നല്കാത്തതിനെ തുടര്ന്നാണ് മർദിച്ചത്.കഴിഞ്ഞ ദിവസം പയ്യന്നൂര് നെസ്റ്റ് കോളജിലാണ് സംഭവം നടന്നത്. യൂണിറ്റ് സെക്രട്ടറി അക്ഷയ് മോഹനാണ് ഏരിയാ കമ്മിറ്റി നേതാക്കളുടെ മര്ദ്ദനമേറ്റത്. കോളജ് യൂണിയന് ഫണ്ടില് നിന്നും ഒരു ഭാഗം ഏരിയാ കമ്മിറ്റിക്ക് നല്കണമെന്ന് ആവശ്യപ്പെട്ടപ്പോള് നല്കാന് തയ്യാറാകാത്തതാണ് മര്ദ്ദനത്തിന് കാരണമെന്നാണ് പറയുന്നത്. യൂണിറ്റ് കമ്മിറ്റി യോഗത്തില് നിന്നും പുറത്തിറക്കിയാണ് യൂണിറ്റ് സെക്രട്ടറിയെ വരാന്തയിലിട്ട് മര്ദ്ദിച്ചത്. രക്ഷപ്പെടാന് ശ്രമിക്കുന്നതിനിടെ നേതാക്കള് വളഞ്ഞിട്ട് മര്ദിച്ചെന്നുമാണ് ആരോപണം.
അക്ഷയ് മോഹനെ മര്ദ്ദിക്കുന്നതിന്റെ വീഡിയോ ദൃശ്യങ്ങളും പുറത്തുവന്നു. കോളജ് ചെയര്മാന് നേരെയും എസ്എഫ്ഐ നേതാക്കളുടെ കയ്യേറ്റമുണ്ടായെന്ന് പരാതിയുണ്ട്. അതേസമയം മര്ദ്ദിക്കുന്നതിന്റെ വീഡിയോ ഉള്പ്പടെ പുറത്തുവന്നതോടെ വിഷയം ഒത്തുതീര്പ്പാക്കാന് ശ്രമിക്കുകയാണ് സിപിഎം നേതൃത്വം.
Kerala
പൊതുവിപണിയെക്കാൾ മൂന്ന് ഇരട്ടി പണം നൽകി പിപിഇ കിറ്റ് വാങ്ങി; കൊവിഡ് കാലത്ത് ആരോഗ്യവകുപ്പിൽ വൻ ക്രമക്കേടെന്ന് സിഎജി റിപ്പോർട്ട്
തിരുവനന്തപുരം: കൊവിഡ് മഹാമാരിക്കാലത്ത് സംസ്ഥാന സംസ്ഥാന സർക്കാരും ആരോഗ്യവകുപ്പും നടത്തിയത് തീവെട്ടിക്കൊള്ളയാണെന്ന പ്രതിപക്ഷ ആരോപണം ശരിവെച്ച് സിഎജി റിപ്പോർട്ട്. മഹാമാരിക്കാലത്ത് സംസ്ഥാന ആരോഗ്യ വകുപ്പ് പിപിഇ കിറ്റ് വാങ്ങിയതിൽ 10.23 കോടി രൂപയുടെ അധികബാധ്യത സംസ്ഥാന സർക്കാരിന് ഇതിലൂടെ ഉണ്ടായെന്നും പൊതുവിപണിയെക്കാൾ 300 ശതമാനം കൂടുതല് പണം നല്കിയാണ് പിപിഇ കിറ്റ് വാങ്ങിയതെന്നും റിപ്പോർട്ടിൽ വ്യക്തമാക്കുന്നു.
കെകെ ശൈലജ ആരോഗ്യമന്ത്രിയായിരിക്കെ 2020 മാര്ച്ച് 28 ന് 550 രൂപയ്ക്ക് പിപിഇ കിറ്റ് വാങ്ങിയെന്നും രണ്ട് ദിവസത്തിന് ശേഷം മാര്ച്ച് 30 ന് 1550 രൂപയ്ക്ക് മറ്റൊരു കമ്പനിയില് നിന്ന് പിപിഇ കിറ്റ് വാങ്ങിയെന്നും സിഎജി റിപ്പോർട്ടിൽ പറയുന്നു. രണ്ട് ദിവസത്തില് പിപിഇ കിറ്റിന്റെ വില 1000 രൂപ കൂടിയെന്നാണ് സിഎജി ചൂണ്ടിക്കാട്ടുന്നത്. കുറഞ്ഞ തുകയ്ക്ക് പിപിഇ കിറ്റ് നൽകാമെന്ന് വാഗ്ദാനം ചെയ്ത കമ്പനിയെ തഴഞ്ഞ് സാൻ ഫാർമ എന്ന കമ്പനിക്ക് പിപിഇ കിറ്റിന് മുൻകൂറായി മുഴുവൻ പണവും നൽകിയെന്നുമാണ് റിപ്പോർട്ടിൽ പ്രധാനമായും ചൂണ്ടിക്കാട്ടിയിട്ടുള്ളത്. സർക്കാർ നിരക്കിനേക്കാൾ കുറഞ്ഞ വിലയ്ക്ക് കിറ്റുകൾ നൽകാൻ മെഡിക്കൽ സർവീസസ് കോർപ്പറേഷനിലെ സ്ഥിരം വിതരണക്കാരായ 3 പേരുൾപ്പെടെ നാല് സ്ഥാപനങ്ങൾ തയ്യാറായി നിൽക്കെയാണ് ഉയര്ന്ന നിരക്കിൽ ഓർഡര് നൽകിയത് എന്നത് അടക്കം വിവരങ്ങൾ സര്ക്കാരിനെ നേരത്തെ വലിയ പ്രതിരോധത്തിലാക്കിയിരുന്നു.
-
Kerala2 months ago
ജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month ago
ക്ഷാമബത്ത കേസില് ഇടക്കാല ഉത്തരവ്
-
News2 months ago
ക്ഷാമ ബത്ത കേസിൽ ഇടക്കാല ഉത്തരവ്
-
Featured3 months ago
ഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months ago
ക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month ago
സര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days ago
പണിമുടക്ക് നോട്ടീസ് നൽകി
You must be logged in to post a comment Login