Connect with us
inner ad

Featured

യുഎസിലെ നാലം​ഗ മലയാളി കുടുംബത്തിന്റെ മരണകാരണം വിഷവാതകമല്ല, വെടി

Avatar

Published

on

പ്രത്യേക ലേഖകൻ

കൊല്ലം: യുഎസിലെ കാലിഫോർണിയ സാൻ മേറ്റയോ കോണ്ടിയിൽ മലയാളികളായ നാലം​ഗ കുടുംബം ദുരൂഹ സാഹചര്യത്തിൽ കൊല്ലപ്പെട്ടതിന്റെ ചുരുൾ നിവർത്തി പൊലീസ്. കൊല്ലം സ്വദേശികളും യുഎസിൽ ഐടി പ്രൊഷണലുകളുമായ ആനന്ദ് സുജിത്ത് ഹെൻ‌റി (43), ഭാര്യ ആലിസ് പ്രിയങ്ക (40), ഇവരുടെ ഇരട്ടക്കുട്ടികളായ നോഹ (4), നെയ്തൻ (4) എന്നിവരാണ് കൊല്ലപ്പെട്ടത്. ഇന്ത്യൻ സമയം തിങ്കളാഴ്ച രാത്രി 7.45നു യുഎസിലെ സാൻ മേറ്റയോ കോണ്ടിയിലെ വീടിനുള്ളിലാണ് നാലുപോരുടെയും മൃതദേഹങ്ങൾ കണ്ടെത്തിയത്.
അതികഠിനമായ തണുപ്പ് അകറ്റാൻ മുറിക്കുള്ളിൽ ഉപയോ​ഗിച്ച എയർ കണ്ടിഷനറിൽ നിന്നോ ഹീറ്ററിൽ നിന്നോ പുറന്തള്ളിയ കാർബൺ മോണോക്സൈഡ് എന്ന വിഷക വാതകം ശ്വസിച്ചാണ് ഇവർ മരിച്ചതെന്നായിരുന്നു ആദ്യം കരുതിയത്. എന്നാൽ മുറിക്കുള്ളിൽ നടത്തിയ വിശദമായ പരിശോധനകളിൽ മരണ കാരണം കൊലപാതകമോ ആത്മഹത്യയോ എന്ന സാഹചര്യത്തിലേക്കാണു വിരൽ ചൂണ്ടുന്നത്. രണ്ടുപേർ വെടിയേറ്റും രണ്ടു പേർ വിഷവാതകമോ വിഷാംശമോ ഉള്ളിൽ ചെന്നുമാണു മരിച്ചതെന്ന് പ്രാദേശിക പൊലീസ് കണ്ടെത്തി.
ആനന്ദും ആലിസും വെടിയേറ്റാണ് മരിച്ചത്. ഇവരുടെ മൃതദേഹങ്ങളിൽ വെടിയേറ്റ മുറിവുകളുണ്ട്. മുറിക്കുള്ളിൽ നിന്ന് ഏഴു തിരകളുള്ള നിറതോക്കും ലഭിച്ചു. ഭാര്യ ആലീസിനെ വെടിവച്ചു കൊലപ്പെടുത്തിയ ശേഷം ആനന്ദും സ്വയം നിറയൊഴിക്കുകയായിരുന്നോ എന്നാണ് സംശയം. ഇവരുടെ ഇരട്ടക്കുട്ടികളായ നോഹയും നെയ്തനും മറ്റൊരു മുറിയിലാണു മരിച്ച നിലയിൽ കാണപ്പെട്ടത്. ഇവരുടെ ശരീരത്ത് മുറിവുകളില്ല. ഇവർ വിഷവാതകം ശ്വസിച്ചിരുന്നോ അതോ വിഷാംശമുള്ള എന്തെങ്കിലും ഭക്ഷിച്ചോ എന്ന കാര്യം അന്വേഷിക്കുന്നതായി പൊലീസ് പറഞ്ഞു. ഫൊറൻസിക് വിദ​ഗ്ധരും സ്ഥലത്തുണ്ട്.
കൊല്ലം ഫാത്തിമാ മാതാ നാഷണൽ കോളെജ് മുൻ പ്രിൻസിപ്പാൾ ഡോ. ഹെൻ‌റിയുടെ മൂത്തമകനാണ് ആനന്ദ്. കംപ്യൂട്ടർ എൻജിനീയറായ ഇദ്ദേഹം ഒമ്പതു വർഷം മുമ്പാണ് യുഎസിലെത്തിയത്. ​ഗൂ​ഗിളിലായിരുന്നു ജോലി. ആദ്യം ന്യൂ ജേഴ്സിയിലായിരുന്നു താമസം. ജോലി രാജി വച്ച് സ്വന്തമായി സ്റ്റാർട്ട് അപ് തുടങ്ങി താമസം സാൻ മേറ്റയോ കോണ്ടിയിലേക്കു മാറുകയായിരുന്നു.
കൊല്ലം കിളികൊല്ലൂർ പ്രിയദർശിനി ന​ഗർ വെളിയിൽ വീട്ടിൽ പരേതനായ ബെൻസി​ഗറുടെയും ജൂലിയറ്റിന്റെയും മകളാണ് ആൻസി. സാൻ മാറ്റിയോയിൽ ഡേറ്റ അനാലിസ്റ്റ് ആണ് ആലീസ്. ആലീസിന്റെ മാതാവ് ജൂലിയറ്റ് ഇവർക്കൊപ്പം യുഎസിലായിരുന്നു താമസം. കഴിഞ്ഞ ഞായറാഴ്ച ജൂലിയറ്റ് നാട്ടിലേക്കു മടങ്ങി. തിങ്കളാഴ്ച തിരുവനന്തപുരത്ത് വിമാനം ഇറങ്ങിയപ്പോൾ മുതൽ മകളെയും മരുമകനെയും ഫോണിൽ ബന്ധപ്പെടാൻ ശ്രമിച്ചെങ്കിലും കഴിഞ്ഞില്ല. ഒടുവിൽ അവിടെയുള്ള ഒരു സുഹൃത്തിനെ ആനന്ദിന്റെ വീട്ടിലേക്കു പറഞ്ഞുവിട്ട് അന്വേഷിപ്പിച്ചു. വാതിൽ അകത്തു നിന്നു പൂട്ടിയ നിലയിലായതിനാലും അകത്തു നിന്ന് പ്രതികരണം ഒന്നുമില്ലാതിരുന്നതിനാലും തിരക്കിച്ചെന്നയാൾ പൊലീസിൽ വിവരം അറിയിച്ചു. അവരെത്തി ജനൽ ചില്ലകൾ തകർത്ത് അകത്തു കടന്നു നോക്കിയപ്പോഴാണ് മൃതദേഹങ്ങൾ കണ്ടെത്തിയത്.
ദമ്പതികളും കുട്ടികളും തമ്മിൽ വളരെ സ്നേഹത്തോടെയാണു കഴിഞ്ഞതെന്ന് അയൽവാസികൾ പറ‍ഞ്ഞു. ആനന്ദും ആലീസും തികഞ്ഞ സൗഹൃദത്തിലായിരുന്നുവത്രേ.
പിന്നെന്തിനാണ് ഈ കടുംകൈ എന്നാണ് എല്ലാവരും ചോദിക്കുന്നത്. വാതിൽ അകത്തുനിന്ന് പൂട്ടിയ സാഹചര്യത്തിൽ മരണത്തിൽ പുറത്തു നിന്നുള്ളവരുടെ പങ്കാളിത്തം ഉറപ്പില്ല. എങ്കിലും എല്ലാ പഴുതും അടച്ചുള്ള അന്വേഷണം നടത്തുമെന്ന് പൊലീസ് പറഞ്ഞു. ഇവരെ കുറിച്ചുള്ള കൂടുതൽ വിവരങ്ങൾ അറിയിക്കാൻ അയൽവാസികളോടും സുഹൃത്തുക്കളോടും ആവശ്യപ്പെട്ടു. അതേ സമയം, ആനന്ദും ആലീസും തമ്മിൽ വിവാഹ ബന്ധം വേർപെടുത്താൻ കുറച്ചു നാൾ മുൻപ് ശ്രമിച്ചിരുന്നതായി സംശയിക്കുന്നുണ്ട്. യുഎസിലെ ഇന്ത്യൻ എംബസിയും ഇതേക്കുറിച്ച് അന്വേഷിക്കുന്നുണ്ട്. ആനന്ദിന്റെ സഹോദരൻ ഇന്നലെ തിരുവനന്തപുരത്തു നിന്ന് യുഎസിലേക്കു പുറപ്പെട്ടു.
കഴിഞ്ഞ ആറുമാസമായി യുഎസിൽ ഇന്ത്യൻ വംശജർക്കു നേരേ വലിയ തോതിൽ ആക്രമണമുണ്ട്. ഏതാനും ദിവസം മുൻപ് പർഡ്യൂ യൂണിവേഴ്സിറ്റി വിദ്യാർഥികളായ സമീർ കമ്മാട്ട്, നീൽ ആചാര്യ എന്നിവർ കൊല്ലപ്പെട്ടിരുന്നു. അതിനു മുൻപ് ഒരു കുടുബത്തിലെ മൂന്നു പേർ വെടിയേറ്റു മരിച്ച സംഭവവുമുണ്ടായി.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Choonduviral

പിണറായിയുടെ സ്ഥാനാർത്ഥി ആനിയോ സുരേന്ദ്രനോ…? രേവന്ത് റെഡ്ഡി

Published

on

കൽപ്പറ്റ: വയനാട്ടിൽ പിണറായിയുടെ സ്ഥാനാർഥി ആനി രാജയാണോ അതോ കെ.സുരേന്ദ്രനാണോയെന്ന് തെലങ്കാന മുഖ്യമന്ത്രി രേവന്ത് റെഡ്ഡി. വയനാട്ടിൽ പിണറായി വിജയനാണ് കെ സുരേന്ദ്രന്റെ സ്ഥാനാർത്ഥിത്വത്തിനു പിന്നിലെന്നാണ് ഞാൻ മനസിലാക്കുന്നത്. തന്റെയും കുടുംബത്തിന്റെയും അഴിമതികേസുകളിൽ നിന്ന് രക്ഷപ്പെടാൻ പിണറായി വിജയൻ മോദിയുമായി സന്ധി ചെയ്‌തിരിക്കുകയാണെന്ന് തെലങ്കാന മുഖ്യമന്ത്രി രേവന്ത് റെഡ്ഡി പറഞ്ഞു.
യു.ഡി.എഫിന്റ വിവിധ തെരഞ്ഞെടുപ്പ് യോഗങ്ങളിൽ സംസാരിക്കുകയായിരുന്നു അദ്ദേഹം. പിണറായി വിജയൻറെ മകൾ പോലും അഴിമതിയിൽ പങ്കാളിയാകുന്നതാണ് നമ്മൾ കാണുന്നത്.

പിണറായിയും കുടുംബവും സ്വർണ്ണക്കടത്ത് കേസിൽ വരെ പങ്കാളികളാണ്. എന്നാൽ ഇ ഡി യും ആദായ നികുതി വകുപ്പും പിണറായിയെ തൊടാത്തത് എന്തുകൊണ്ടാണെന്ന് അദ്ദേഹം ചോദിച്ചു. സ്വന്തം അണികളെ വഞ്ചിക്കുന്ന പിണറായിയെ ജനങ്ങൾ എങ്ങനെ വിശ്വസിക്കും. പിണറായി വിജയൻ കമ്മ്യൂണിസ്റ്റ് ലീ ഡറല്ലെന്നും ‘കമ്മ്യൂണലിസ്റ്റ്’ ലീഡറാണെന്നും അദ്ദേഹം ആരോപിച്ചു.

Advertisement
1000x200 PX MALAYALI DCTR MDX-02-02

തെലങ്കാനയിലെ 17 സിറ്റുക ളിൽ 14ലും ഇൻഡ്യ മുന്നണി വിജയിക്കുമെന്ന് തെലുങ്കാന മുഖ്യമന്ത്രിയെന്ന നിലയിൽ ഉറപ്പു നൽകുകയാണെന്നും അദ്ദേഹം പറഞ്ഞു. മേപ്പാടിയിൽ അഡ്വ. ടി സിദ്ദിഖ് എംഎൽഎ നയിക്കുന്ന ‘മൊഹബത്ത് കി ദു ഖാൻ’ തെരഞ്ഞെടുപ്പ് പ്രചരണ ജാഥയിൽ യുഡിഎഫ് കൽപ്പറ്റ നിയോജക മണ്ഡലം തെര ഞ്ഞെടുപ്പ് കമ്മിറ്റി ചെയർമാൻ ടി. ഹംസ അധ്യക്ഷനായിരുന്നു. ടി. സിദ്ദിഖ് എംഎൽഎ. ഡിസിസി പ്രസിഡൻ്റ് എൻഡി അപ്പച്ചൻ, മണ്ഡലം തെരഞ്ഞെടുപ്പ് കമ്മിറ്റി കൺവീനർ പിപി ആലി, മുസ്ലിംലീഗ് മണ്ഡലം ജനറൽസെക്രട്ടറി സലിം മേമന, കോൺഗ്രസ് ബ്ലോക്ക് പ്രസിഡന്റ് ബി സുരേഷ്, കൽപ്പറ്റ നഗരസഭ ചെയർമാൻ ടി ജെ ഐസക്ക്, യൂത്ത് ലീഗ് ജില്ലാ പ്രസിഡൻ്റ് എം.പി നവാസ്. പി.കെ അഷ്റഫ്. പോൾസൻ പൂവക്കൽ സംസാരിച്ചു.

Advertisement
1000x200 PX MALAYALI DCTR MDX-02-02
Continue Reading

Featured

കർണാടകയിൽ ബിജെപി എംപി കോൺഗ്രസിൽ ചേർന്നു

Published

on

ബംഗ്ലൂരു: കർണാടകയിൽ ബിജെപി സിറ്റിംഗ് എംപി കോൺഗ്രസിൽ ചേർന്നു. കൊപ്പാല്‍ മണ്ഡലത്തില്‍ നിന്നുള്ള ബി.ജെ.പി എം.പി കാരാഡി സങ്കണ്ണ അമരപ്പയും സഹപ്രവർത്തകരും ബുധനാഴ്ച കോണ്‍ഗ്രസില്‍ ചേർന്നു.മുഖ്യമന്ത്രി സിദ്ധാരാമയ്യ, ഉപമുഖ്യമന്ത്രി ഡി.കെ. ശിവകുമാർ എന്നിവർ ത്രിവർണ പതാക കൈമാറി അവരെ കോണ്‍ഗ്രസിലേക്ക് സ്വാഗതം ചെയ്തു.

കൊപ്പല്‍ ജില്ല ചുമതലയുള്ള മന്ത്രി ശിവരാജ് തങ്കഡഗി, എം.എല്‍.എമാരായ കെ. രാഘവേന്ദ്ര ഹിത്നല്‍, ബസവരാജ് റായറെഡ്ഢി, ഹമ്ബനഗൗഡ ബദർളി, ലക്ഷ്മണ്‍ സവാദി, ഡി.സി.സി പ്രസിഡന്റ് അമരേ ഗൗഡ ബയ്യപൂർ, മുൻ മന്ത്രി എച്ച്‌.എം. രേവണ്ണ, കെ.പി.സി.സി ഭാരവാഹികള്‍ എന്നിവർ പങ്കെടുത്തു

Advertisement
1000x200 PX MALAYALI DCTR MDX-02-02
Continue Reading

Featured

കേരളത്തില്‍ പിണറായി വിരുദ്ധ തരംഗമെന്ന് എംഎം ഹസ്സന്‍

Published

on

കല്‍പ്പറ്റ: കേരളത്തില്‍ ആഞ്ഞടിക്കുക പിണറായി വിരുദ്ധ തരംഗമാണെന്ന് കെ പി സി സി ആക്ടിംഗ് പ്രസിഡന്റ് എം എം ഹസ്സന്‍. യു ഡി എഫ് 20 സീറ്റുകളിലും വിജയിക്കും. ഈ തെരഞ്ഞെടുപ്പ് ഇടതുമുന്നണിയുടെ എട്ടുവര്‍ഷത്തെ ഭരണത്തിന്റെ വിലയിരുത്തലായി കണക്കാക്കാന്‍ മുഖ്യമന്ത്രിയും. എം വി ഗോവിന്ദനും തയ്യാറുണ്ടോയെന്നും വയനാട് ജില്ലാകോണ്‍ഗ്രസ് കമ്മിറ്റി ഓഫീസില്‍ നടത്തിയ വാര്‍ത്താസമ്മേളനത്തില്‍ അദ്ദേഹം ചോദിച്ചു. പ്രധാനമന്ത്രി മുഖ്യമന്ത്രിയുടെയും മകളുടെയും പേരെടുത്ത് സംസാരിച്ചിട്ടും ഈ നിമിഷം വരെ മറുപടി പറയാന്‍ പിണറായി വിജയന്‍ തയ്യാറായിട്ടില്ല. ആ മറുപടി കേള്‍ക്കാന്‍ കേരളത്തിലെ വോട്ടര്‍മാര്‍ അഗ്രഹിക്കുന്നുണ്ട്. മുഖ്യമന്ത്രിയുടെ ധൈര്യവും ശൗര്യവും എവിടെപ്പോയെന്നും ഹസന്‍ ചോദിച്ചു. വോട്ടര്‍പട്ടികയിലെ ഇരട്ടിപ്പ് തടഞ്ഞില്ലെങ്കില്‍ സ്വാഭാവികമായി കള്ളവോട്ട് നടക്കും. ആറ്റിങ്ങല്‍ ഉള്‍പ്പെടെയുള്ള മണ്ഡലങ്ങളില്‍ യു ഡി എഫ് പരാതിയുമായി മുന്നോട്ടുപോകുകയാണ്. യു ഡി എഫ് വോട്ടര്‍പട്ടികയിലെ ക്രമക്കേട് ആവര്‍ത്തിച്ചുപറയുമ്പോഴും ബി ജെ പി ഇക്കാര്യത്തില്‍ മൗനം പാലിക്കുകയാണെന്നും ഹസ്സന്‍ കുറ്റപ്പെടുത്തി. 85 വയസു കഴിഞ്ഞവര്‍ക്ക് വീട്ടില്‍ വോട്ട് ചെയ്യാനുള്ള നടപടികള്‍ ആരംഭിച്ചു കഴിഞ്ഞിട്ടുണ്ട്. വടകര ഉള്‍പ്പെടെയുള്ള മണ്ഡലങ്ങളില്‍ എല്‍ ഡി എഫ് അനുഭാവികളായ ഉദ്യോഗസ്ഥരെയാണ് ഇതിനായി നിയോഗിച്ചിട്ടുള്ളത്.

ഇക്കാര്യം ചൂണ്ടിക്കാട്ടി തെരഞ്ഞെടുപ്പ് കമ്മീഷന് പരാതി നല്‍കിയിട്ടുണ്ട്. കര്‍ശന നടപടിയെടുക്കുമെന്നാണ് തെരഞ്ഞെടുപ്പ് കമ്മീഷന്‍ അറിയിച്ചിട്ടുള്ളത്. ഇത്തരത്തിലുള്ള രണ്ട് ലക്ഷം വോട്ടുകളാണുള്ളത്. ഇത് അട്ടിമറിക്കാനാണ് നീക്കമെങ്കില്‍ കോടതിയെ സമീപിക്കേണ്ടി വരുമെന്നും ഹസന്‍ പറഞ്ഞു. ദി സെന്‍ട്രല്‍ ഫോര്‍ സ്റ്റഡീസ് ഡെവലപ്പ്‌മെന്റ് സൊസൈറ്റീസ് നടത്തിയ സര്‍വെയില്‍ രാജ്യത്തെ ജനങ്ങളില്‍ ഭൂരിപക്ഷവും പറഞ്ഞത് തൊഴിലില്ലായ്മ, പാര്‍പ്പിടം എന്നിങ്ങനെയുള്ള അടിസ്ഥാന ജീവിതപ്രശ്‌നങ്ങളായിരുന്നു. ഈ അജണ്ട തന്നെയാണ് കോണ്‍ഗ്രസ് പ്രകടനപത്രികയിലൂടെ മുന്നോട്ടുവെക്കുന്നത്. ഭാരത് ജോഡോ യാത്രയിലൂടെ ജനങ്ങളുടെ ആവശ്യങ്ങള്‍ മനസിലാക്കിയ രാഹുല്‍ഗാന്ധി തന്നെയാണ് ഈ തെരഞ്ഞെടുപ്പ് പത്രിക തയ്യാറാക്കുന്നതിന് പ്രധാന പങ്കുവെച്ചത്. കഴിഞ്ഞ 10 വര്‍ഷമായി മുമ്പ് പറഞ്ഞതൊന്നും പാലിക്കാത്ത മോദിയാണ് വീണ്ടും ഗ്യാരണ്ടിയുമായി എത്തിയിരിക്കുന്നതെന്നും അദ്ദേഹം ചൂണ്ടിക്കാട്ടി. ഇന്ത്യാമുന്നണി അധികാരത്തില്‍ വരുമെന്ന് മോദി ഭയക്കുന്നതിന്റെ തെളിവാണ് കെജ്‌രിവാളിന്റെയും, ഹേമന്ത് സോറന്റെയും അറസ്റ്റ്. മാത്രമല്ല, കോണ്‍ഗ്രസ് പാര്‍ട്ടിയുടെ അക്കൗണ്ടുകള്‍ മരവിപ്പിച്ചതും ഇതിന്റെ ഭാഗമാണ്. എല്ലാവരും ഇന്ന് വിശ്വാസമര്‍പ്പിച്ചിരിക്കുന്നത് രാഹുല്‍ഗാന്ധിയിലാണ്. മതേതരത്വത്തിന്റെയും ജനാധിപത്യത്തിന്റെയും കാവലാളായി നില്‍ക്കുന്ന രാഹുല്‍ഗാന്ധിക്കല്ലാതെ വയനാട്ടിലെ ജനങ്ങൾക്ക് മാറ്റാർക്കാണ് വോട്ടു ചെയ്യാൻ കഴിയുകയെന്നും ഹസന്‍ ചോദിച്ചു. ഡി സി സി പ്രസിഡന്റ് എന്‍ ഡി അപ്പച്ചനും വാര്‍ത്താസമ്മേളനത്തില്‍ പങ്കെടുത്തു.

Advertisement
1000x200 PX MALAYALI DCTR MDX-02-02
Continue Reading

Featured