Business
ഫെഡറല് ബാങ്കിന്റെ ലാഭത്തില് 24 ശതമാനം വര്ദ്ധനവ്
കൊച്ചി: 2024 മാര്ച്ച് 31 ന് അവസാനിച്ച സാമ്പത്തിക വര്ഷത്തെ നാലാംപാദത്തില് ഫെഡറല് ബാങ്കിന്റെ മൊത്തം ബിസിനസ് 461937 കോടി രൂപയായി ഉയര്ന്നു. അറ്റ പലിശ വരുമാനം 14.97 ശതമാനം എന്ന ചരിത്രത്തിലെ ഏറ്റവുമുയര്ന്ന വളര്ച്ചയോടെ 2195.11 കോടി രൂപയിലെത്തി.
”ഏറ്റവും ആദരിക്കപ്പെടുന്ന ബാങ്കായി മാറുക എന്ന ലക്ഷ്യത്തിലേക്കുള്ള ഞങ്ങളുടെ യാത്രയില് പുതിയ ബെഞ്ച്മാര്ക്കുകള് സെറ്റ് ചെയ്യാന് സാധിച്ച മികച്ചൊരു സാമ്പത്തികവര്ഷമാണ് കടന്നുപോയത്,” ബാങ്കിന്റെ എംഡിയും സി ഇ ഓയുമായ ശ്യാം ശ്രീനിവാസന് പറഞ്ഞു. ശാഖകളുടെ എണ്ണത്തിലുണ്ടായ 10 ശതമാനം വര്ദ്ധനവ് രാജ്യത്തിന്റെ മുക്കിലും മൂലയിലും വരെ ബാങ്കിന്റെ സാന്നിധ്യം ഉറപ്പാക്കി. ശാഖകള് തുറക്കുന്നതിനൊപ്പം തന്നെ സാങ്കേതിക, ഡിജിറ്റല് മേഖലകളില് നടത്തുന്ന നിക്ഷേപം 15000 ത്തിലധികം പിന്കോഡുകളിലെ ഇടപാടുകാരിലേക്ക് എത്താന് ബാങ്കിനെ സഹായിക്കുന്നു. വളരെ ആത്മവിശ്വാസത്തോടെയാണ് നടപ്പു സാമ്പത്തിക വര്ഷത്തെ ബാങ്ക് കാണുന്നത്. മികച്ച ബാങ്കിങ്ങ് ഉത്പന്നങ്ങള് അവതരിപ്പിച്ച് ഇടപാടുകാരുടെ ‘ഫസ്റ്റ് ചോയ്സ്’ ബാങ്കായി ബ്രാന്ഡ് ഫെഡറലിനെ മാറ്റുക എന്നതാണ് തങ്ങളുടെ ലക്ഷ്യമെന്നും ശ്യാം ശ്രീനിവാസന് കൂട്ടിച്ചേര്ത്തു.
അറ്റാദായത്തിലും ബാങ്കിന് മികച്ച നേട്ടം കൈവരിക്കാന് സാധിച്ചു. 906.30 കോടി രൂപയാണ് അറ്റാദായം. ബാങ്കിന്റെ മൊത്തം ബിസിനസ് 19.11 ശതമാനം വര്ധിച്ച് 461937.36 കോടി രൂപയിലെത്തി. മുന്വര്ഷം ഇതേ പാദത്തില് 213386.04 കോടി രൂപയായിരുന്ന നിക്ഷേപം 18.35 ശതമാനം വര്ദ്ധനവോടെ 252534.02 കോടി രൂപയായി. വായ്പാ വിതരണത്തിലും ബാങ്കിന് മികച്ച വളര്ച്ച കൈവരിക്കാന് സാധിച്ചു. ആകെ വായ്പ മുന് വര്ഷത്തെ 174446.89 കോടി രൂപയില് നിന്ന് 209403.34 കോടി രൂപയായി വര്ധിച്ചു. 20.04 ശതമാനമാണ് വളര്ച്ചാനിരക്ക്. റീട്ടെയല് വായ്പകള് 20.07 ശതമാനം വര്ധിച്ച് 67435.34 കോടി രൂപയായി. വാണിജ്യ ബാങ്കിങ് വായ്പകള് 26.63 ശതമാനം വര്ധിച്ച് 21486.65 കോടി രൂപയിലും കോര്പറേറ്റ് വായ്പകള് 11.97 ശതമാനം വര്ധിച്ച് 73596.09 കോടി രൂപയിലും ബിസിനസ് ബാങ്കിങ് വായ്പകള് 21.13 ശതമാനം വര്ദ്ധിച്ച് 17072.58 കോടി രൂപയിലുമെത്തി. സ്വര്ണവായ്പകള് 27.14 ശതമാനം വളര്ച്ചയോടെ 25000 കോടി രൂപയെന്ന നാഴികക്കല്ലു കടന്നു.
അറ്റപലിശ വരുമാനം 14.97 ശതമാനം വര്ധനയോടെ 2195.11 കോടി രൂപയിലെത്തി. ചരിത്രത്തിലെ ഏറ്റവുമുയര്ന്ന അറ്റപലിശ വരുമാനമാണിത്. കഴിഞ്ഞ സാമ്പത്തിക വര്ഷം ഇത് 1909.29 കോടി രൂപയായിരുന്നു. 4528.87 കോടി രൂപയാണ് ബാങ്കിന്റെ മൊത്ത നിഷ്ക്രിയ ആസ്തി. മൊത്തം വായ്പകളുടെ 2.13 ശതമാനമാണിത്. അറ്റ നിഷ്ക്രിയ ആസ്തി 1255.33 കോടി രൂപയാണ്. മൊത്തം വായ്പകളുടെ 0.60 ശതമാനമാണിത്. 71.08 ആണ് നീക്കിയിരുപ്പ് അനുപാതം. ഈ പാദത്തോടെ ബാങ്കിന്റെ അറ്റമൂല്യം 29089.41 കോടി രൂപയായി വര്ധിച്ചു. 16.13 ശതമാനമാണ് മൂലധന പര്യാപ്തതാ അനുപാതം. ബാങ്കിന് നിലവില് 1500ലധികം ശാഖകളും 2013 എടിഎമ്മുകളുമുണ്ട്.
കൊച്ചി: ക്ലിയോസ്പോര്ട്സിന്റെ ആഭിമുഖ്യത്തില് നടക്കുന്ന മൂന്നാമത് ഫെഡറല് ബാങ്ക് കൊച്ചി മാരത്തോണിന്റെ ഓദ്യോഗിക മെഡിക്കല് പാര്ട്ണറായി ആസ്റ്റര് മെഡ്സിറ്റിയെ പ്രഖ്യാപിച്ചു. തുടര്ച്ചയായി മൂന്നാം തവണയാണ് ആസ്റ്റര് മെഡ്സിറ്റി മാരത്തോണിന്റെ ഔദ്യോഗിക മെഡിക്കല് പാര്ട്ണറാകുന്നത്. ഫെബ്രുവരി ഒമ്പതിന് മറൈന് ഡ്രൈവില് നടക്കുന്ന മാരത്തോണിന്റെ മെഡിക്കല് ഡയറക്ടറായി ആസ്റ്റര് മെഡ്സിറ്റി എമര്ജന്സി മെഡിസിന് വിഭാഗം മേധാവി ഡോ. ജോണ്സണ് കെ. വര്ഗീസ് പ്രവര്ത്തിക്കും. സര്ക്കുലര് ഇക്കോണമിയുടെ പ്രോത്സാഹനം ലക്ഷ്യമാക്കിയുള്ള ഫെഡറല് ബാങ്ക് കൊച്ചി മാരത്തോണിന്റെ മൂന്നാം പതിപ്പില് സഹകരിക്കാനാകുന്നതില് സന്തോഷമുണ്ടെന്ന് ആസ്റ്റര് മെഡ്സിറ്റി എമര്ജന്സി മെഡിസിന് വിഭാഗം മേധാവി ഡോ. ജോണ്സണ് കെ. വര്ഗീസ് പറഞ്ഞു.
കഴിഞ്ഞ രണ്ട് സീസണുകളില് തയാറാക്കിയപോലെ, മാരത്തോണ് ആരംഭിക്കുന്ന സ്ഥലത്ത് മെഡിക്കല് ബേസ് ക്യാമ്പും കടന്നുപോകുന്ന മറ്റു പ്രധാന പ്രദേശങ്ങളില് സബ്-മെഡിക്കല് സ്റ്റേഷനുകളും ക്ലിയോസ്പോര്ട്സുമായി ചേര്ന്ന് കൊണ്ട് സജ്ജീകരിക്കും. മാലിന്യ തോത് കുറച്ചുകൊണ്ട് പരിസ്ഥിതി സംരക്ഷണവും സുസ്ഥിര വികസനവും ഉറപ്പാക്കുന്നതിന് സര്ക്കുലര് ഇക്കോണമിയുടെ പ്രോത്സാഹനം അനിവാര്യമാണെന്നും അദ്ദേഹം പറഞ്ഞു. ഫെഡറല് ബാങ്ക് കൊച്ചി മാരത്തോണിന്റെ മെഡിക്കല് പങ്കാളിയായി മൂന്നാം തവണയും ആസ്റ്റര് മെഡ്സിറ്റി എത്തുന്നതില് ഏറെ അഭിമാനമുണ്ടെന്ന് ക്ലിയോസ്പോര്ട്സ് ഭാരവാഹികളായ ശബരി നായര്, ബൈജു പോള്, അനീഷ് പോള്, എം.ആർ.കെ ജയറാം എന്നിവര് പറഞ്ഞു. ഓട്ടക്കാര്ക്ക് പരിക്കുകള് സംഭവിച്ചാല് ഉടനടി കൃത്യമായ ചികിത്സ നല്കുവാനും മാരത്തോണിന്റെ സുഗമമായ നടത്തിപ്പിനും മെഡിക്കല് പങ്കാളി അനിവാര്യമായ ഘടകമാണ്. ആസ്റ്റര് മെഡ്സിറ്റിയുടെ സാന്നിധ്യം ഓട്ടക്കാര്ക്ക് സുരക്ഷിതത്വം ഉറപ്പാക്കുന്നതിന് ഏറെ സഹായകമാകുമെന്നും സംഘാടകര് പറഞ്ഞു. അത്ലറ്റിക് ഫെഡറേഷന് ഓഫ് ഇന്ത്യയുടെ അംഗീകാരത്തോടെ നടക്കുന്ന മാരത്തോണില് പങ്കെടുക്കാന് താത്പര്യമുള്ളവര്ക്ക് www.kochimarathon.in എന്ന ലിങ്കിലൂടെ രജിസ്റ്റര് ചെയ്യാം.
സംസ്ഥാനത്തെ സ്വര്ണവിപണിയില് വർധനവ്. പവന് 80 രൂപ ഇന്ന് കൂടി. ഇന്ന് ഗ്രാമിന് 10 രൂപയും പവന് 80 രൂപയുമാണ് വര്ധിച്ചത്. ഇതോടെ സ്വര്ണം ഗ്രാമിന് 7340 രൂപയും പവന് 58720 രൂപയുമായി. 18 കാരറ്റ് സ്വര്ണത്തിന് ഗ്രാമിന് അഞ്ചു രൂപ വര്ധിച്ചിട്ടുണ്ട്. ഗ്രാമിന് 6050 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. വെള്ളിവിലയിലും വര്ധനവ് രേഖപ്പെടുത്തി. ഗ്രാമിന് ഒരു രൂപ വര്ധിച്ച് 97 രൂപയായി. ഇന്നലെ ഗ്രാമിന് രണ്ടുരൂപ വെള്ളിക്ക് കുറഞ്ഞിരുന്നു.
കൊച്ചി: ഇന്ത്യയിലെ പ്രമുഖ ജ്വല്ലറി ഗ്രൂപ്പായ ജോയ്ആലുക്കാസിന് പുരസ്കാരനേട്ടം. റീട്ടെയില് ജ്വല്ലർ എംഡി & സിഇഒ അവാര്ഡ് 2025ല് മികച്ച സ്ട്രാറ്റജിക് ആന്ഡ് ഇന്റഗ്രേറ്റഡ് മാര്ക്കറ്റിംഗ് 2025, നാഷണല് റീട്ടെയില് ചെയിന് ഓഫ് ദി ഇയര് 2025 എന്നീ പുരസ്കാരങ്ങളാണ് നേടിയത്. മുംബൈയിൽ നടന്ന പരിപാടിയില് ജോയ്ആലുക്കാസ് ഇന്ത്യാ ലിമിറ്റഡ് എക്സിക്യൂട്ടീവ് ഡയറക്ടര് തോമസ് മാത്യു അവാര്ഡുകള് ഏറ്റുവാങ്ങി. വിട്ടു വീഴ്ചയില്ലാത്ത ഉപഭോക്ത്യ സേവനം, ജ്വല്ലറി വ്യവസായ മേഖലയിലെ നൂതനവും, കാര്യ ക്ഷമമായ കമ്പനിയുടെ പ്രതിബദ്ധത എന്നിവക്ക് ലഭിച്ച അംഗീകാരമാണ് ഈ പുരസ്കാരങ്ങൾ.
മികച്ച മാര്ക്കറ്റിംഗ് തന്ത്രങ്ങളിലൂടെ അവബോധം വളര്ത്തിയെടുക്കുന്നതിലും ബിസിനസ്സ് മെച്ചപ്പെടുത്തുന്നതിലും ജോയ്ആലുക്കാസ് ഗ്രൂപ്പ് നടത്തിയ പ്രവര്ത്തനങ്ങള്ക്കുള്ള അംഗീകരികാരമാണ് സ്ട്രാറ്റജിക് ആന്ഡ് ഇന്റഗ്രേറ്റഡ് മാര്ക്കറ്റിംഗ് പുരസ്കാരം. ഗ്രൂപ്പിന്റെ കഴിഞ്ഞ വര്ഷത്തെ ശ്രദ്ധേയമായ വളര്ച്ചയും റീട്ടെയില് വിപുലീകരണവും പരിഗണിച്ചാണ് നാഷണല് റീട്ടെയില് ചെയിന് ഓഫ് ദി ഇയര് 2025 പുരസ്കാരം ജോയ്ആലുക്കാസിന് ലഭിച്ചത്.
ഉപഭോക്താക്കളോടുള്ള അചഞ്ചലമായ പ്രതിബദ്ധതയ്ക്ക് പുറമെ മുഴുവൻ ജീവനക്കാരുടെയും ആത്മസമർപ്പണത്തോടെയുള്ള പ്രവർത്തനങ്ങൾക്ക് കൂടി ലഭിച്ച അംഗീകാരമാണ് ഈ പുരസ്കാര നേട്ടമെന്നു ചെയർമാനും മാനേജിങ് ഡയറക്ടറുമായ ജോയ് ആലുക്കാസ് പറഞ്ഞു. ഇതിനായി പരിശ്രമിക്കുകയും പിന്തുണ നൽകുകയും ചെയ്ത സ്ഥാപനത്തിലെ മുഴുവൻ അംഗങ്ങൾക്കുമായി ഈ പുരസ്കാരം സമർപ്പിക്കുന്നു. ഉപഭോക്താക്കൾക്ക് ആഗോള നിലവാരത്തിലുള്ള ജ്വല്ലറി ഷോപ്പിംഗ് സാധ്യമാക്കുന്നതിൽ ഞങ്ങൾ തുടർന്നും പ്രതിബദ്ധത പുലർത്തുമെന്നും അദ്ദേഹം കൂട്ടിച്ചേർത്തു.
എറണാകുളം ജില്ലാ അസോസിയേഷൻ ക്രിസ്തുമസ് – ന്യൂ ഇയർ ആഘോഷിച്ചു
വിവാഹം കഴിച്ചെന്ന് തെറ്റിദ്ധരിപ്പിച്ച് 15 കാരിയെ പീഡിപ്പിച്ചു; യുവാവും, ഒത്താശ ചെയ്ത പെൺകുട്ടിയുടെ മാതാവും അറസ്റ്റിൽ
തൃപ്പൂണിത്തുറയിൽ ഫ്ലാറ്റിന്റെ 26-ാം നിലയിൽ നിന്ന് വീണ് വിദ്യാർഥി മരിച്ചു
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured3 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login