Day: July 30, 2022

ന്യൂഡൽഹി:   വിലക്കയറ്റം, തൊഴിലില്ലായ്മ, അഗ്നിപഥ്, അവശ്യവസ്തുക്കൾക്ക്  ഏർപ്പെടുത്തിയ ജി എസ് ടി  എന്നിവയ്‌ക്കെതിരെഈ മാസം അഞ്ചിന്  രാജ്യവ്യാപക പ്രതിഷേധം സംഘടിപ്പിക്കാൻ കോൺഗ്രസ് തീരുമാനം.കോൺഗ്രസ് പാർട്ടിയുടെ എല്ലാ തലങ്ങളിലുമുള്ള  ജനപ്രതിനിധികളും പ്രതിഷേധത്തിന്റെ  ഭാഗമാകും. ബ്ലോക്ക് ജില്ലാ ഭാരവാഹികൾ അതാത് ജില്ലാ ആസ്ഥാനത്ത് പ്രതിഷേധ പരിപാടികൾ സംഘടിപ്പിക്കും. അതാത് സംസ്ഥാനങ്ങളിലെ പ്രദേശ് കമ്മിറ്റികൾ മുഖേന രാജ്ഭവൻ മാർച്ച് നടത്താനും അറസ്റ്റ് വരിക്കാനും പാർട്ടി തീരുമാനിച്ചിട്ടുണ്ട്. രാജ്ഭവൻ  കേന്ദ്രീകരിച്ച് നടക്കുന്ന മാർച്ചിൽ കോൺഗ്രസിന്റെ മുഴുവൻ എംഎൽഎമാരും പങ്കെടുക്കാൻ പാർട്ടി ആവശ്യപ്പെടുന്നുണ്ട് . കോൺഗ്രസിന്റെ ലോക്‌സഭാ -രാജ്യസഭാ എംപിമാർ “ചലോ രാഷ്ട്രപതി ഭവൻ എന്ന മുദ്രാവാക്യവുമായി രാഷ്ട്രപതി ഭവനിലേക്ക് പ്രതിഷേധമാർച്ച് നടത്തും. ഇവർക്കു പുറമേ കോൺഗ്രസിന്റെ വർക്കിംഗ് കമ്മിറ്റി അംഗങ്ങൾ മുതിർന്ന നേതാക്കൾ തുടങ്ങിയവരും പ്രതിഷേധത്തിന്റെ  ഭാഗമാകും.

ആലുവ : കര്‍ഷകതൊഴിലാളി ക്ഷേമനിധി അംഗങ്ങളില്‍ നിന്ന് പിരിക്കുന്ന തുക 5-ല്‍ നിന്നും 20 രൂപയായി വര്‍ദ്ധിപ്പിച്ചിട്ടും അംഗങ്ങള്‍ക്ക് അര്‍ഹമായ ആനുകൂല്യങ്ങള്‍ കൊടുക്കുവാന്‍ ഇടത് സര്‍ക്കാര്‍ തയ്യാറായിട്ടില്ലെന്ന് മുന്‍ പ്രതിപക്ഷനേതാവ് രമേശ് ചെന്നിത്തല എം.എല്‍.എ. ആലുവായില്‍ പറഞ്ഞു.പാവപ്പെട്ട കര്‍ഷകതൊഴിലാളി പണിയെടുക്കുന്ന പാടങ്ങളും കൃഷിയിടങ്ങളും അനധികൃതമായി നികത്തുവാന്‍ ഭൂമാഫിയയ്ക്ക് കൂട്ടുനില്‍ക്കുന്ന സര്‍ക്കാര്‍ നയം തൊഴിലാളി ദ്രോഹമാണെന്നും അദ്ദേഹം ചൂണ്ടിക്കാട്ടി. ദേശീയ കര്‍ഷകതൊഴിലാളി ഫെഡറേഷന്റെ ജില്ലാക്യാമ്പ് ആലുവ വൈ.എം.സി.എ. ക്യാമ്പ് സൈറ്റില്‍ ഉദ്ഘാടനം ചെയ്ത് സംസാരിക്കുകയായിരുന്നു രമേശ് ചെന്നിത്തല. ജില്ലാ പ്രസിഡന്റ് കൊച്ചാപ്പു പുളിക്കല്‍ അദ്ധ്യക്ഷത വഹിച്ചു.എം.എല്‍.എ.മാരായ കെ.ബാബു, അന്‍വര്‍ സാദത്ത്,  കെ.പി.സി.സി. വൈസ് പ്രസിഡന്റ് വി.പി.സജീന്ദ്രന്‍, കെ.പി.ധനപാലന്‍,ഡി.സി.സി. പ്രസിഡന്റ് മുഹമ്മദ് ഷിയാസ്, ഐ.കെ.രാജു, എം.ഒ.ജോണ്‍, വി.പി.ജോര്‍ജ്,  തോപ്പില്‍ അബു, വി.കെ.ഷാനവാസ്,  പി.കെ.ചന്ദ്രശേഖരന്‍നായര്‍, ബാബു കൊല്ലംപറമ്പില്‍, എന്‍.ആര്‍.ചന്ദ്രന്‍, ജോസി. പി. ആന്‍ഡ്രൂസ്, ലത്തീഫ് പൂഴിത്തറ, എം.എ.എം. മുനീര്‍, ജാനീഷ് കുമാര്‍,…

തിരുവനന്തപുരം: സംസ്ഥാനത്ത് വ്യാപക മഴ മുന്നറിയിപ്പ്. തിങ്കള്‍, ചൊവ്വ, ബുധന്‍ ദിവസങ്ങളില്‍ തീവ്ര മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇത് കണക്കിലെടുത്ത് വിവിധ ജില്ലകളില്‍ ഓറഞ്ച് അലര്‍ട്ട് പുറപ്പെടുവിച്ചു.ഇന്ന് ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം ജില്ലകളിലും യെല്ലോ അലര്‍ട്ട് പ്രഖ്യാപിച്ചു. തിങ്കളാഴ്ച കോട്ടയം, ഇടുക്കി ജില്ലകളില്‍  തീവ്ര മഴ മുന്നറിയിപ്പ് പുറപ്പെടുവിച്ചു. തിരുവനന്തപുരം മുതല്‍ തൃശൂര്‍ വരെയുള്ള ജില്ലകളില്‍ ചൊവ്വാഴ്ചയും കൊല്ലം മുതല്‍ വയനാട് വരെയുള്ള ജില്ലകളില്‍ ബുധനാഴ്ചയും ഓറഞ്ച് അലര്‍ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ ഇടിയോടു കൂടിയ മഴക്ക് സാധ്യത ഉള്ളതിനാല്‍ മലയോരപ്രദേശങ്ങളിലുള്ളവര്‍ ജാഗ്രത പാലിക്കണമെന്നും മുന്നറിയിപ്പുണ്ട്. കര്‍ണാടക തീരത്തായി ഒരു ന്യൂനമര്‍ദ്ദപാത്തിയുണ്ട്. ഇതിന്റെ ഭാഗമായിട്ടാണ് കാലവര്‍ഷക്കാറ്റ് വീണ്ടും സജീവമാകുന്നത്.