Connect with us
inner ad

Cinema

ചികിത്സയ്ക്കായത് 16 ലക്ഷം; കണക്കുവിവരങ്ങൾ പുറത്തുവിട്ട് ഹരീഷ് പേങ്ങന്റെ കുടുംബം

Avatar

Published

on

കൊച്ചി: അന്തരിച്ച പ്രിയ നടൻ ഹരീഷ് പേങ്ങന്റെ ചികിത്സാ സഹായവുമായി ബന്ധപ്പെട്ട് വിവിധ ആളുകളിൽ നിന്നും സംഘടനകളിൽ നിന്നുമായി പിരിച്ച തുകയുടെ കണക്കു വിവരങ്ങൾ വെളിപ്പെടുത്തി കുടുംബം. കഴിഞ്ഞ മെയ്മാസം പതിനാലാം തീയതി ഹരീഷ് പേങ്ങന്റെ ചികിത്സാ സഹായവുമായി ബന്ധപ്പെട്ട് ഹരീഷിന്റെ സുഹൃത്തായ മനോജ് കെ വർഗീസ് ഫേസ്ബുക്ക് പോസ്റ്റിൽ ഹരീഷിന്റെ ചികിത്സക്കായി പൊതുജന പങ്കാളിത്തത്തോടെ സ്വരൂപിച്ച തുകയും, ആ തുകയുടെ വിനിയോഗവും കൃത്യമായി പൊതുജന സമക്ഷം ഹരീഷിന്റെ കുടുംബം പ്രസിദ്ധീകരിക്കുമെന്ന ഉറപ്പു നൽകിയിരുന്നു.

ആ ഉറപ്പ് പാലിച്ചുകൊണ്ട്, ഇന്ന് എറണാകുളം പ്രസ് ക്ലബ്ബിൽ നടന്ന പത്രസമ്മേളനത്തിൽ എല്ലാ വിവരങ്ങളും ഡോക്യുമെന്റ് ചെയ്ത്, പൊതു സമൂഹത്തിന്റെ അറിവിലേക്കായി കുടുംബം പ്രസിദ്ധീകരിച്ചു. ഹരീഷനായി കരൾ ദാനം ചെയ്യാൻ തയ്യാറായ അദ്ദേഹത്തിന്റെ ഇരട്ട സഹോദരി ശ്രീജ എം നായർ, ഹരീഷിന്റെ സഹോദരിയായ സിന്ധു ചന്ദ്രൻ, ഹരീഷിന്റെ സഹോദരി ഭർത്താവ് ചന്ദ്രശേഖരൻ നായർ, ഹരീഷിന്റെ നാട്ടുകാരനും സുഹൃത്തുമായ മനോജ് കെ. വർഗീസ് എന്നിവർ പത്രസമ്മേളനത്തിൽ പങ്കെടുത്തു.

Advertisement
1000x200 PX MALAYALI DCTR MDX-02-02

പത്രസമ്മേളനത്തിൽ പ്രസിദ്ധീകരിച്ച, ഹരീഷിന്റെ ചികിത്സാസഹായമായി ലഭിച്ചതും ചെലവായതുമായ തുകയുടെ സംക്ഷിപ്ത കണക്കുകൾ താഴെ ചേർക്കുന്നു

ഹരീഷിന്റെ ചികിത്സാ സഹായത്തിനായി ഹരീഷിന്റെ ചലചിത്ര-ചലച്ചിത്രേതര സുഹൃത്തുക്കൾ വിവിധ സാമൂഹ്യ, ദൃശ്യ പത്ര മാധ്യമങ്ങളിലൂടെ പ്രസിദ്ധീകരിച്ച ഹരീഷിന്റെ ഇരട്ട സഹോദരിയായ ശ്രീജയുടെ +91 79824 97909 എന്ന നമ്പറിൽ GPay-ലൂടെ ലഭിച്ച തുക :
Rs. 9,74,470/-

Advertisement
1000x200 PX MALAYALI DCTR MDX-02-02

ഹരീഷിന്റെ ചികിത്സാ സഹായത്തിനായി ഹരീഷിന്റെ ചലചിത്ര-ചലച്ചിത്രേതര സുഹൃത്തുക്കൾ വിവിധ സാമൂഹ്യ, ദൃശ്യ പത്ര മാധ്യമങ്ങളിലൂടെ പ്രസിദ്ധീകരിച്ച ഹരീഷിന്റെ ഇരട്ട സഹോദരിയായ ശ്രീജയുടെ യൂണിയൻ ബാങ്കിന്റെ അത്താണി ശാഖയിലള്ള അക്കൗണ്ടിലേക്ക് (SB A/c No: 338202120002191) ട്രാൻസ്ഫർ ചെയ്ത് ലഭിച്ച തുക (Excluding GPay) :
Rs. 4,90,606/-

നെടുമ്പാശ്ശേരി ഗ്രാമപഞ്ചായത്ത് പ്രസിഡന്റ്, വൈസ് പ്രസിഡന്റ്, ഹരീഷിന്റെ സഹോദരി സിന്ധു എന്നിവർ ചേർന്ന് ഹരീഷിന്റെ ചികിത്സാ സഹായനിധിക്കായി ഫെഡറൽ ബാങ്കിന്റെ അത്താണി ശാഖയിൽ തുടങ്ങിയ അക്കൗണ്ടിലേക്ക് (A/c No: 15790100099893) ലഭിച്ച തുക :
Rs. 3,41,120/-
(ഈ തുക ഹരീഷിന്റെ ചികിത്സക്കായി ഉപയോഗിക്കേണ്ടി വന്നിട്ടില്ല).

Advertisement
1000x200 PX MALAYALI DCTR MDX-02-02

പണമായി ഹരീഷിന്റെ വീട്ടിൽ വിവിധ സുഹൃത്തുക്കളും സംഘടനകളും നേരിട്ട് നൽകിയ തുക :
Rs. 17,000/-
(ഈ തുക ഫെഡറൽ ബാങ്കിന്റെ അത്താണി ശാഖയിൽ തുടങ്ങിയ അക്കൗണ്ടിലേക്ക് (A/c No: 15790100099893) ഹരീഷിന്റെ സഹോദരിയായ സിന്ധു നിക്ഷേപിച്ചിട്ടുണ്ട്. ഈ തുകയും ഹരീഷിന്റെ ചികിത്സക്കായി ഉപയോഗിക്കേണ്ടി വന്നിട്ടില്ല).

ലഭിച്ച മൊത്തം ചികിത്സാ സഹായം :
Rs. 18,23,196/-

Advertisement
1000x200 PX MALAYALI DCTR MDX-02-02

എറണാകുളം അമൃത ആശുപത്രിയിൽ ഹരീഷിന്റെ ചികിത്സയ്ക്കായി വന്ന മൊത്തം ബിൽ തുക :
Rs. 16,60,406/-

ഹരീഷിന് ഉണ്ടായിരുന്ന മെഡിക്കൽ ഇൻഷുറൻസ് :
Rs. 5,00,000/-

Advertisement
1000x200 PX MALAYALI DCTR MDX-02-02

ഇൻഷുറൻസ് തുക കുറച്ച് അമൃത ആശുപത്രിയിൽ അടക്കേണ്ടിവന്ന തുക : Rs. 11,60,406/-

ഹരീഷിന്റെ ചികിത്സക്കായി കുടുംബം സ്വന്തം നിലയ്ക്ക് ആശുപത്രിയിൽ നേരിട്ടടച്ച തുക :
Rs. 2,00,140/-

Advertisement
1000x200 PX MALAYALI DCTR MDX-02-02

ചികിത്സാസഹായനിധിയിൽ നിന്ന് ഹരീഷിന്റെ ആശുപത്രി ചെലവിലേക്ക് ഉപയോഗിച്ച തുക :
Rs. 9,60,266/-
(ഈ തുക ഹരീഷിന്റെ ഇരട്ട സഹോദരിയായ ശ്രീജയുടെ യൂണിയൻ ബാങ്കിലുള്ള അക്കൗണ്ടിലേക്ക് GPay-യായും, ഫണ്ട് ട്രാൻസ്ഫറായും ലഭിച്ച തുകയിൽ നിന്നാണ് ഉപയോഗിച്ചിട്ടുള്ളത്).

ചികിത്സാസഹായമായി ലഭിച്ച തുകയിൽ, ആശുപത്രി ചിലവിലേക്ക് ഉപയോഗിച്ച തുക കിഴിച്ച് ബാക്കി ശ്രീജയുടെ യൂണിയൻ ബാങ്കിന്റെ അത്താണി ശാഖയിലെ അക്കൗണ്ടിൽ (SB A/c No: 338202120002191) ശേഷിക്കുന്നത്:
Rs. 5,04,810/-

Advertisement
1000x200 PX MALAYALI DCTR MDX-02-02

പൊതുജന പങ്കാളിത്തത്തോടെ സ്വരൂപിച്ച തുക ഹരീഷിന്റെ ആശുപത്രി ചെലവിലേക്ക് മാത്രമേ ഉപയോഗിച്ചിട്ടുള്ളൂ. കരൾ മാറ്റിവെക്കൽ ശസ്ത്രക്രിയയുടെ തയ്യാറെടുപ്പിന്റെ ഭാഗമായി ഡോണറുടെ (ഹരീഷിന്റെ സഹോദരി ശ്രീജയുടെ) ടെസ്റ്റുകൾക്ക് വേണ്ടിവന്ന തുക ഹരീഷിന്റെ കുടുംബം തന്നെ ആശുപത്രിയിൽ സ്വന്തം നിലയ്ക്ക് അടച്ചു. ആശുപത്രിയിലെ ബൈസ്റ്റാന്റർ റൂം വാടക, യാത്ര ചിലവുകൾ, കരൾ മാറ്റിവെക്കൽ ശസ്ത്രക്രിയയുമായി ബന്ധപ്പെട്ട് ആവശ്യമായിരുന്ന ലീഗൽ ഡോക്യുമെന്റേഷൻ, ഹരീഷിന്റെ മരണാനന്തരം ആശുപത്രിയിൽ നിന്ന് ബോഡി ഷിഫ്റ്റ് ചെയ്തത് മുതൽ മരണാനന്തര ചടങ്ങുകൾക്കും, മറ്റും വേണ്ടിവന്ന തുക ചികിത്സാസഹായനിധിയിൽ നിന്ന് ഉപയോഗിച്ചിട്ടില്ല. മേൽപ്പറഞ്ഞ ചിലവുകളും ഹരീഷിന്റെ കുടുംബം സ്വന്തം നിലയ്ക്കാണ് ചെലവാക്കിയത്.

ചികിത്സ ചിലവിനായി ഉപയോഗിച്ചത് കിഴിച്ച് ശേഷിക്കുന്ന ഫണ്ടിന്റെ വിനിയോഗം

Advertisement
1000x200 PX MALAYALI DCTR MDX-02-02

നെടുമ്പാശ്ശേരി ഗ്രാമപഞ്ചായത്ത് പ്രസിഡന്റിന്റെ അധ്യക്ഷതയിൽ പ്രാദേശികമായി വിളിച്ചു ചേർത്ത വിവിധ റസിഡൻസ് അസോസിയേഷൻ, സാമൂഹ്യ-സാംസ്കാരിക സംഘടനകൾ, ജനപ്രതിനിധികൾ, ക്ലബ്ബുകൾ എന്നിവരുടെ സംയുക്തയോഗത്തിൽ രൂപീകൃതമായ കമ്മറ്റിയുടെ തീരുമാനപ്രകാരം, ചികിത്സാ സഹായനിധി സമാഹരണത്തിന് നെടുമ്പാശ്ശേരി ഗ്രാമപഞ്ചായത്ത് പ്രസിഡന്റ്, വൈസ് പ്രസിഡന്റ്, ഹരീഷിന്റെ സഹോദരി സിന്ധു എന്നിവരുടെ പേരിൽ ഫെഡറൽ ബാങ്കിന്റെ അത്താണി ശാഖയിൽ തുടങ്ങിയ ജോയിന്റ് അക്കൗണ്ടിലേക്ക് (A/c No: 15790100099893) ലഭിച്ച തുകയായ 3,41,120 രൂപയും, പണമായി ലഭിച്ച 17,000 രൂപയും ചേർത്ത് 3,58,120 രൂപ, ഹരീഷിനെപ്പോലെ ഗുരുതരരോഗം പിടിപെട്ട ഏതെങ്കിലും അർഹമായ നിർധന രോഗികളെ കണ്ടെത്തി അവർക്ക് ചികിത്സ സഹായം നൽകുന്നതിനോ, സമാനമായ മറ്റേതെങ്കിലും ചാരിറ്റബിൾ പ്രവർത്തനങ്ങൾക്കായോ വിനയോഗപ്പെടുത്തുന്നതിന് നെടുമ്പാശ്ശേരി ഗ്രാമപഞ്ചായത്ത് പ്രസിഡന്റിനെ ചുമതലപ്പെടുത്തുവാൻ ഹരീഷിന്റെ കുടുംബം താൽപര്യം പ്രകടിപ്പിച്ച് കത്ത് നൽകി. അർഹമായ കൈകളിലേക്ക്, നിഷ്പക്ഷമായും സുതാര്യമായും സ്വജനപക്ഷഭേതമില്ലാതെ ഈ തുക വിനിയോഗപ്പെടുമെന്ന് ഉറപ്പുവരുത്തുന്നതിനായി തുക വിനയോഗിക്കുന്നതിന് മുമ്പായി വിവരങ്ങൾ ഹരീഷിന്റെ അമ്മയായ ശാരദാമ്മയെ അറിയിക്കേണ്ടതും അവരുടെ അറിവോടെ ആയിരിക്കണം പ്രസ്തുത തുക ചിലവഴിക്കേണ്ടത് എന്ന അഭ്യർത്ഥനയോടെയാണ് മേൽപ്പറഞ്ഞ പണത്തിന്റെ വിനിയോഗത്തിന് നെടുമ്പാശ്ശേരി ഗ്രാമപഞ്ചായത്ത് പ്രസിഡന്റിനെ ചുമതലപ്പെടുത്തി ഹരിഷിന്റെ കുടുംബം കത്ത് നൽകിയിട്ടുള്ളത്.

പ്രാദേശികമായി വിവിധ റസിഡൻസ് അസോസിയേഷനുകളും സംഘടനകളും വ്യക്തികളും നിക്ഷേപിച്ച പണമാണ് മേൽപ്പറഞ്ഞ ഫെഡറൽ ബാങ്ക് അക്കൗണ്ടിൽ വന്നിട്ടുള്ളതെന്നതിനാലും, ആ തുക ഒന്നും തന്നെ ഹരീഷിന്റെ ചികിത്സയ്ക്കായി ഉപയോഗിക്കേണ്ട ആവശ്യം വരാതിരുന്നതിനാലും, മേൽപ്പറഞ്ഞ രീതിയിൽ സമയബന്ധിതമായി അർഹതപ്പെട്ടവരെ കണ്ടെത്തി സഹായം നൽകുവാൻ പ്രായോഗികതത്തിൽ എന്തെങ്കിലും ബുദ്ധിമുട്ടുണ്ടെങ്കിൽ, ഫെഡറൽ ബാങ്കിൽ പണം നിക്ഷേപിച്ച എല്ലാവർക്കും അവരുടെതായ നിലയ്ക്ക് ഉചിതമായ രീതിയിൽ ആ പണം വിനിയോഗിക്കാനാകും വിധം ബാങ്കിൽ നിന്ന് തിരിച്ച് നിക്ഷേപകർക്ക് നൽകുവാൻ വേണ്ട നടപടികൾ സ്വീകരിക്കാനായി ആവശ്യമായത് ചെയ്യണമെന്നും നെടുമ്പാശ്ശേരി ഗ്രാമപഞ്ചായത്ത് പ്രസിഡന്റിന് ഹരീഷിന്റെ കുടുംബാംഗങ്ങൾ ഒപ്പിട്ട് കൈമാറിയ കത്തിൽ അറിയിച്ചിട്ടുണ്ട്.

Advertisement
1000x200 PX MALAYALI DCTR MDX-02-02

ഹരീഷ് പേങ്ങൻ ഫൗണ്ടേഷൻ

അപ്രതീക്ഷിതമായി ഹരീഷിന്റെ കുടുംബത്തിന് അവന്റെ ചികിത്സാ ചെലവിലേക്ക് പണം സ്വരൂപിക്കേണ്ടിവന്ന സാഹചര്യത്തിന്റെ ഗൗരവം ഉൾക്കൊണ്ട്, ഭാവിയിൽ ഇത്തരം സാഹചര്യം നേരിടുന്നവർക്ക് ഒരു കൈത്താങ്ങ് എന്ന വലിയ ലക്ഷ്യത്തോടെ ഹരീഷിന്റെ ഓർമ്മയ്ക്കായി ഹരീഷിന്റെ മാതാവായ ശാരദാമ്മ ചീഫ് പേറ്റ്രണായും, ഹരീഷിന്റെ ഭാര്യ ബിന്ദു കെ. പിള്ള പേറ്റ്രണായും “ഹരീഷ് പേങ്ങൻ ഫൗണ്ടേഷൻ” എന്ന ഒരു റജിസ്റ്റേഡ് ചാരിറ്റബിൾ ട്രസ്റ്റ് രൂപീകരിക്കുവാൻ ഹരീഷിന്റെ സുഹൃത്തുക്കളും കുടുംബവും ചേർന്നാലോചിച്ച് തീരുമാനമെടുത്തിട്ടുണ്ട്. പത്ര-ദൃശ്യ-സാമൂഹ്യ മാധ്യമങ്ങളുടെ സഹായത്തോടെ ദേശഭേദമന്യേ ശ്രീജയുടെ യൂണിയൻ ബാങ്കിന്റെ അത്താണി ശാഖയിലെ അക്കൗണ്ടിൽ (SB A/c No: 338202120002191) ചികിത്സാസഹായമായി ലഭിച്ച തുകയിൽ ശേഷിക്കുന്ന 5,04,810 രൂപ ഹരീഷ് പേങ്ങൻ ഫൗണ്ടേഷനിലൂടെ സമയബന്ധിതമായി നടപ്പിലാക്കാൻ ഉദ്ദേശിക്കുന്ന നിർധന രോഗികളുടെ ചികിത്സാ സഹായം ഉൾപ്പെടെയുള്ള ജീവകാരുണ്യ പ്രവർത്തനങ്ങൾക്ക് ഉപയോഗപ്പെടുത്താനാകും വിധം ഫൗണ്ടേഷനെ ഏൽപ്പിക്കുവാൻ ഹരീഷിന്റെ കുടുംബം തീരുമാനമെടുത്തു. ആ തുക ഹരീഷിന്റെ സഹോദരി ശ്രീജ, ഫൗണ്ടേഷന്റെ ചീഫ് പേറ്റ്രണായ ശാരദാമ്മയുടെ ബാങ്ക് അക്കൗണ്ടിലേക്ക്, അവരുടെ സമ്മതപ്രകാരം ഇന്നലെ (15/06/2023) ട്രാൻസ്ഫർ ചെയ്ത വിവരവും പൊതുജന സമക്ഷം അറിയിക്കുന്നതിനായി കുടുംബം ഫണ്ട് ട്രാൻസ്ഫർ ചെയ്ത രേഖ പത്രസമ്മേളനത്തിൽ പബ്ലിഷ് ചെയ്തു.

Advertisement
1000x200 PX MALAYALI DCTR MDX-02-02

100% സുതാര്യമായി പ്രവർത്തിക്കാൻ ഉദ്ദേശിക്കുന്ന ഹരീഷ് പേങ്ങൻ ഫൗണ്ടേഷനെ കുറിച്ചും, ഫൗണ്ടേഷന്റെ ഉദ്ദേശലക്ഷ്യങ്ങളെ കുറിച്ചും, ഫൗണ്ടേഷന്റെ നേതൃത്വത്തിൽ നടപ്പാക്കാൻ ഉദ്ദേശിക്കുന്ന പ്രൊജക്റ്റിന്റെ ഡീറ്റെയിൽസിനെ കുറിച്ചും വൈകാതെ പത്രസമ്മേളനത്തിലൂടെ ഫൗണ്ടേഷൻ ഭാരവാഹികൾ തന്നെ പൊതു സമൂഹത്തെ അറിയിക്കുന്നതായിരിക്കും എന്നും കുടുംബം അറിയിച്ചു.

അടിയന്തരഘട്ടത്തിൽ ചലച്ചിത്ര മേഖലയിൽനിന്ന് ആരും ഹരീഷിനെ സഹായിച്ചില്ല, ശസ്ത്രക്രിയയ്ക്ക് ആവശ്യമായ പണം കണ്ടെത്താനാകാതെ ഹരീഷ് മരണപ്പെട്ടു എന്ന നിലയ്ക്കുള്ള ചില പ്രചരണത്തിനും ഹരീഷിന്റെ കുടുംബം പത്രസമ്മേളന വേളയിൽ വിശദീകരണം നൽകി.

Advertisement
1000x200 PX MALAYALI DCTR MDX-02-02

പണമില്ലാത്തതിന്റെ പേരിൽ ഹരീഷിന് ഒരു ഘട്ടത്തിലും ആവശ്യമായ ചികിത്സ ലഭിക്കാതിരുന്നിട്ടില്ല. ലഭ്യമാക്കാൻ കഴിയുന്ന ഏറ്റവും മികച്ച ചികിത്സ ഹരീഷിന് അമൃത ആശുപത്രിയിൽ നിന്ന് ലഭിച്ചു എന്ന് തന്നെയാണ് കുടുംബത്തിന്റെ പൂർണ വിശ്വാസം. ഹരീഷിന്റെ സുഹൃത്തും നാട്ടുകാരനുമായ ഡോ: അഖിലേഷ് കെ (പൾമനോളജി ഡിപ്പാർട്ട്മെന്റ് പ്രൊഫസർ) ചികിത്സിച്ച ഡോക്ടർമാരുടെ സംഘത്തിൽ ഒരു പ്രധാനിയായിരുന്നു. സ്വന്തം കുടുംബാംഗത്തിലെ ഒരംഗത്തെപോലെയാണ് ഡോ: അഖിലേഷ് ഹരീഷിനോടൊപ്പം നിന്നിരുന്നതും, ഓരോ ഘട്ടത്തിലും വിവരങ്ങൾ കുടുംബാംഗങ്ങളെ അറിയിച്ചു കൊണ്ടിരുന്നതും. അദ്ദേഹതോടൊപ്പം ഡോ: എസ്. സുധീന്ദ്രൻ, ഡോ: ഷൈൻ സദാശിവൻ തുടങ്ങി നിരവധി വിദഗ്ധഡോക്ടർമാരുടെ ഒരു സംഘം ഹരീഷിനെ ജീവിതത്തിലേക്ക് തിരികെ കൊണ്ടുവരുവാൻ പരമാവധി ശ്രമിച്ചിരുന്നു. എന്നാൽ ഒന്നിന് പുറകെ ഒന്നായി അപ്രതീക്ഷിതമായി ഹരീഷിന് വന്ന ആരോഗ്യപ്രശ്നങ്ങൾ കാരണം ശസ്ത്രക്രിയ നീണ്ടുപോയി, അഥവാ നടത്താനായില്ല എന്നതാണ് വാസ്തവം.

പൊതുസമൂഹത്തോടൊപ്പം ചലച്ചിത്ര മേഖലയിലുള്ള പല പ്രമുഖരും ഹരീഷിന്റെ ചികിത്സയ്ക്കായി ധനസഹായം ചെയ്തിരുന്നു. കൂടാതെ, നിരവധിപേർ സാമ്പത്തികസഹായം നേരിട്ട് വാഗ്ദാനം ചെയ്തിരുന്നു. ശസ്ത്രക്രിയ തീയതി നിശ്ചയിച്ചു കഴിയുമ്പോൾ അറിയിക്കാനായിരുന്നു അവർ പറഞ്ഞിരുന്നത്. ഹരീഷിന്റെ സഹോദരിയുടെ പേരിൽ മേയ്ക്കാട് സഹകരണ ബാങ്കിൽ നിന്നും ഒരു ലോണും ഹരീഷ് മരണപ്പെടുന്നതിന് അഞ്ച് ദിവസം മുമ്പ് സാങ്ഷൻ ചെയ്തു കിട്ടിയിരുന്നു.

Advertisement
1000x200 PX MALAYALI DCTR MDX-02-02

ഹരീഷിന്റെ മരണാനന്തരം പല പ്രമുഖ നടി നടന്മാരടക്കം ചലച്ചിത്ര മേഖലയിലെയും സാമൂഹിക സാംസ്കാരിക മേഖലയിലെയും പല പ്രമുഖരും നേരിട്ട് വീട്ടിലെത്തി അനുശോചനം അറിയിച്ചിരുന്നു. നേരിട്ട് എത്താൻ പറ്റാത്ത പലരും ഫോണിലൂടെ വിളിച്ച് അവരുടെ അനുശോചനവും രേഖപ്പെടുത്തിയിരുന്നു എന്നതാണ് വാസ്തവം എന്നും കുടുംബം പത്രസമ്മേളനത്തിലൂടെ അറിയിച്ചു. ജീവിതത്തിലെ നിർണായക ഘട്ടത്തിൽ ഹരീഷനായി നിസ്വാർത്ഥമായി കൂടെ നിന്ന എല്ലാവരോടും ഹരീഷിന്റെ കുടുംബത്തിന്റെ നന്ദിയും കടപ്പാടും പത്ര സമ്മേളനത്തിലൂടെ അറിയിച്ചു.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Cinema

അഞ്ചുലക്ഷം ക്ഷീരകർഷകർ ചേർന്നു നിർമ്മിച്ച സിനിമ: 78 വർഷങ്ങൾക്കു ശേഷം കാൻ ഫെസ്റ്റിവലിൽ

Published

on

ഡോ.വർഗീസ് കുര്യൻ്റെ നേതൃത്വത്തിൽ നടപ്പിലാക്കിയ ക്ഷീരവിപ്ലവത്തിൻ്റെയും ക്ഷീര സഹകരണസംഘ പ്രസ്ഥാനത്തിൻ്റെയും വിജയവുമായി ബന്ധപ്പെട്ട മനുഷ്യകഥകളും ഗ്രാമങ്ങളിലെ മനുഷ്യജീവിതാനുഭവങ്ങളിലുണ്ടാകുന്ന മാറ്റങ്ങളും ചിത്രീകരിക്കുന്ന ഫീച്ചർ സിനിമയായ ‘ മന്ഥൻ ‘ 2024 ലെ കാൻ ഫിലിം ഫെസ്റ്റിവലിൽ മെയ് 17ന് പ്രദർശിപ്പിക്കും. വിശ്രുത സംവിധായകൻ ശ്യാം ബെനഗൽ സംവിധാനം ചെയ്ത ഈ ചിത്രം 1976 ലാണ് പുറത്തുവന്നത്. സിനിമ നിർമ്മിക്കാനാവശ്യമായ പണം സംഭാവന ചെയ്തത് ഗുജറാത്തിലെ ക്ഷീര കർഷകരായിരുന്നു. ഒരാൾ രണ്ടു രൂപ വീതമാണ് സംഭാവന ചെയ്തത്.അഞ്ചുലക്ഷം ക്ഷീരകർഷകർ ചേർന്ന് ക്രൗഡ് ഫണ്ടിങ്ങിലൂടെ സമാഹരിച്ച 10 ലക്ഷം രൂപ കൊണ്ടാണ് സിനിമ നിർമ്മിക്കപ്പെട്ടത്. റിലീസായ സമയത്ത് “മന്ഥൻ” എന്ന ചിത്രത്തിന് കാര്യമായ പബ്ലിസിറ്റിയൊന്നും ഉണ്ടായിരുന്നില്ലെങ്കിലും ചിത്രം നിർമ്മിക്കാൻ സംഭാവന ചെയ്ത അഞ്ച് ലക്ഷം വരുന്ന ഗുജറാത്ത് കർഷകർ, വിവിധ ഭാഗങ്ങളിൽ സിനിമ കാണാൻ വൻതോതിൽ തടിച്ചുകൂടി അതിൻ്റെ “യഥാർത്ഥ പ്രേക്ഷകർ” ആയപ്പോൾ ചിത്രം അക്കാലത്ത് അതിൻ്റേതായ ചലനം സൃഷ്ടിച്ചു. അക്കാലത്ത് നിരവധി അവാർഡുകളും ചിത്രത്തിന് ലഭിക്കുകയുണ്ടായി.ഗ്രാമാന്തരങ്ങൾതോറും സഞ്ചരിച്ച് ധവളവിപ്ലവക്കേക്കുറിച്ച് വിശദീകരിക്കാനുള്ള പ്രധാന ആയുധമായി ചിത്രം മാറുകയും ചെയ്തു. ഇന്ത്യയിലുടെനീളം സഹകരണസംഘങ്ങൾ തങ്ങളുടെ അംഗങ്ങൾക്കു മുമ്പിൽ സിനിമ പ്രദർശിപ്പിക്കുകയും ചെയ്തു.
സ്മിതാ പാട്ടീൽ, നസീറുദ്ദീൻ ഷാ, ഗിരീഷ് കർണാഡ് തുടങ്ങിയവർ അഭിനയിച്ച “മന്ഥൻ” സിനിമയുടെ പുനഃസ്ഥാപിച്ച പതിപ്പാണ് മെയ് 17 ന് കാൻസ് ഫിലിം ഫെസ്റ്റിവലിൻ്റെ ക്ലാസിക് സെഗ്‌മെൻ്റിൽ പ്രദർശിപ്പിക്കുന്നത്. ഫിലിം ഹെറിറ്റേജ് ഫൗണ്ടേഷനാണ് ചിത്രത്തിൻ്റെ പുതുക്കിയ പ്രിൻ്റ് തയ്യാറാക്കിയത്.

Continue Reading

Cinema

‘ പെയ്തില്ല നിലാവുപോല്‍ ‘ : ഗസലിന്റെ മാധുര്യവുമായി ‘ഇന്നലെ’ ഗാനം ശ്രദ്ധേയമാകുന്നു

Published

on

കോഴിക്കോട്: പെയ്തില്ല നിലാവുപോല്‍.. പ്രണയത്തിന്റെ നീറ്റലുകള്‍ ഉള്ളില്‍ നിറയ്ക്കുന്ന വരികള്‍. ബാവുല്‍ സംഗീതത്തിന്റെ ഛായയുള്ള, ഗസലിന്റെ മാധുര്യമുള്ള ‘ ഇന്നലെ’ എന്ന ഗാനം ശ്രദ്ധേയമാവുകയാണ്. സീറോ ബജറ്റില്‍ നിര്‍മിച്ച ഇന്നലെ പൂര്‍ണമായും ആന്‍ഡ്രോയ്ഡ് ഫോണിലാണ് ചിത്രീകരിച്ചതെന്ന പ്രത്യേകത കൂടിയുണ്ട്. പാട്ടിന്റെ അണിയറയിലും അരങ്ങിലും ചില കൗതുകങ്ങള്‍ കൂടിയുണ്ട്. സപ്ലൈക്കോ ജീവനക്കാരന്‍ നായകനായ പാട്ടിന് സംഗീത സംവിധാനം നിര്‍വഹിച്ചത് ഒരു പോലീസുകാരനാണ്.


മിസ്റ്റിക് ഫാക്ടറിയുടെ ബാനറില്‍ പുറത്തിറങ്ങിയ ഇന്നലെയുടെ നായകന്‍ സപ്ലൈക്കോയിലെ ജീവനക്കാരനായ ബിജു. ടി. ദേവേന്ദ്രനാണ്. കോഴിക്കോട് ലിങ്ക് റോഡില്‍ സപ്ലൈകോയുടെ നെല്ല് സംഭരണ വിഭാഗത്തില്‍ അസിസ്‌റന്റ് സെയ്ല്‍സ്മാനാണ് ബാലുശ്ശേരി തലയാട് തയ്യുള്ളതില്‍ ബിജു.ഭാര്യ പി.പി. ദിവ്യ കസബ പോലീസ് സ്റ്റേഷനിലെ സിവില്‍ പൊലീസ് ഓഫീസറാണ്. മകള്‍ നിരഞ്ജന പത്താക്ലാസ് പരീക്ഷയില്‍ 9 എ പ്ലസ് നേടിയ അതേ ദിവസമാണ് പാട്ട് പുറത്തിറങ്ങിയത്. പാട്ടിന് ഈണം ചിട്ടപ്പെടുത്തിയ പ്രശാന്ത് മല്‍ഹാല്‍ കോഴിക്കോട് സിറ്റി പൊലീസിലെ സ്‌ക്വാഡ് അംഗമാണ്. അന്വേഷണ മികവിന് മുഖ്യമന്ത്രിയുടെ മെഡല്‍ ജേതാവാണ്.

Advertisement
1000x200 PX MALAYALI DCTR MDX-02-02

പാട്ടു പാടിയ ഗായകന്‍ സൂര്യശ്യാം ഗോപാല്‍ വര്‍ഷങ്ങള്‍ക്കു ശേഷം സിനിമയിലെ മധു പകരൂ, കണ്ണൂര്‍ സ്‌ക്വാഡിലെ മൃദുഭാവേ ദൃഡ കൃത്യേ തുടങ്ങിയ പാട്ടുകളില്‍ കോറസ് പാടിയിട്ടുണ്ട്. ധാര്‍വാഡ് സ്വദേശിയായ ഹിന്ദുസ്ഥാനി ഗായകന്‍ കുമാര്‍ മര്‍ദൂറിന്റെ ശിഷ്യനാണ്. പേരാമ്പ്ര സ്വദേശിയായ അനാമിക ചന്ദ്രനാണ് ഇന്നലെയിലെ നായിക. രണ്ടു വര്‍ഷം സംസ്ഥാന സ്‌കൂള്‍ കലോത്സവത്തില്‍ നൃത്ത ഇനങ്ങളില്‍ ജേതാവായിരുന്നു. പ്രണയവും വിരഹവും ഉള്ളില്‍ തൊടുന്ന വരികള്‍ എഴുതിയത് ചിത്രകാരനും മാധ്യമപ്രവര്‍ത്തകനുമായ മിത്രന്‍ വിശ്വനാഥനാണ്.

‘ഓള് എന്ന പാട്ടിന് മികച്ച സംവിധായകനുള്ള മലയാള ചലച്ചിത്ര കൂട്ടായ്മയുടെ ജയന്‍ സ്മാരക പുരസ്‌കാരം നേടിയിട്ടുണ്ട്. ഇദയം എന്ന പാട്ടിന്റെ ഗാനരചനയ്ക്ക് യുഎഇയിലെ മെഹ്ഫില്‍ രാജ്യാന്തര മ്യൂസിക് ഫെസ്റ്റില്‍ പുരസ്‌കാരവും നേടിയിട്ടുണ്ട്. 2005 മുതല്‍ 2008 വരെ കാലിക്കറ്റ് സര്‍വകശാലാ കലോത്സവത്തില്‍ ചിത്ര പ്രതിഭയായിരുന്നു. ദേശീയ അന്തര്‍ സര്‍വകലാശാലാ കലോത്സവത്തില്‍ പെയ്ന്റിങ് വിഭാഗത്തില്‍ വ്യക്തിഗത ചാംപ്യനുമായിരുന്നു.
തിരൂര്‍ സ്വദേശിയായ എ.കെ. മെഹറൂഫാണ് നിര്‍മാണ നിര്‍വഹണം.

Advertisement
1000x200 PX MALAYALI DCTR MDX-02-02
Continue Reading

Cinema

സംവിധായകനും ഛായാഗ്രഹനുമായ സംഗീത് ശിവൻ അന്തരിച്ചു

Published

on

മുംബൈ: പ്രശസ്ത സംവിധായകനും ഛായഗ്രാഹനുമായ സംഗീത് ശിവന്‍ അന്തരിച്ചു. യോദ്ധ അടക്കം മലയാളത്തിലെ ഹിറ്റ് ചിത്രങ്ങളുടെ സംവിധായകനാണ് സംഗീത് ശിവന്‍. പ്രമുഖ സ്റ്റില്‍ ഫോട്ടോഗ്രാഫറും ഛായഗ്രാഹകനുമായ ശിവന്‍റെ മകനായി 1959 ലാണ് സംഗീത് ശിവന്‍ ജനിച്ചത്. എംജി കോളേജ്, മാർ ഇവാനിയോസ് കോളേജിലുകളുമായി പ്രീഡിഗ്രിയും ബി.കോം ബിരുദവും കരസ്ഥമാക്കിയ ശേഷം പിതാവിനൊപ്പം ഡോക്യുമെന്‍ററികളിലും മറ്റും ഭാഗമായാണ് ഇദ്ദേഹം സിനിമ രംഗത്തേക്ക് കടന്നുവന്നത്. 1990 ല്‍ ഇറങ്ങിയ വ്യൂഹം എന്ന ചിത്രമായിരുന്നു സംഗീത് ശിവന്‍റെ ആദ്യ സംവിധാന സംരംഭം. രഘുവരനേയും സുകുമാരനേയും കേന്ദ്ര കഥാപാത്രങ്ങളാക്കി ഒരുക്കിയ പൊലീസ് ക്രൈം സ്റ്റോറിയായിരുന്നു ഇത്. വ്യത്യസ്തമായ മേയ്ക്കിംഗിലും കഥപറച്ചിലിനാലും ചിത്രം ശ്രദ്ധിക്കപ്പെട്ടു.

പിന്നീട് മോഹൻ ലാലിനെ നായകനാക്കി യോദ്ധ ഒരുക്കി സംഗീത്. മലയാളത്തിലെ ക്ലാസിക് ചിത്രങ്ങളില്‍ ഒന്നായി ഇന്നും കരുതപ്പെടുന്ന ചിത്രമാണ് യോദ്ധ. പിന്നീട് ഡാഡി, ഗാന്ധർവ്വം, നിർണ്ണയം തുടങ്ങി ആറോളം ചിത്രങ്ങളാണ് സംഗീത് ശിവൻ മലയാളത്തിൽ ഒരുക്കിയത്. ഇഡിയറ്റ്സ് എന്നൊരു ചിത്രം നിർമ്മിക്കുകയും ചെയ്തു.സണ്ണി ഡിയോളിനെ നായകനാക്കിയ സോർ എന്ന ചിത്രത്തിലൂടെയാണ് സംഗീത് ബോളിവുഡില്‍ അരങ്ങേറ്റം കുറിച്ചത്. ബോളിവുഡില്‍ എട്ടോളം ചിത്രങ്ങൾ സംഗീത് ശിവന്‍ ഒരുക്കിയിട്ടുണ്ട്. യോദ്ധയിലൂടെ എ ആർ റഹ്മാനെ മലയാളത്തിലെത്തിച്ചതും സംഗീത് ശിവനാണ്. ഭാര്യ – ജയശ്രീ മക്കള്‍ – സജന, ശന്താനു.

Advertisement
1000x200 PX MALAYALI DCTR MDX-02-02
Continue Reading

Featured