Kozhikode
കോഴിക്കോട് സ്വകാര്യ ബസ്സും ടിപ്പര് ലോറിയും കൂട്ടിയിടിച്ച് 14 പേര്ക്ക് പരിക്ക്
കോഴിക്കോട്: കോഴിക്കോട് സ്വകാര്യ ബസ്സും ടിപ്പര് ലോറിയും കൂട്ടിയിടിച്ച് രണ്ട് കുട്ടികള് ഉള്പ്പെടെ 14 പേര്ക്ക് പരിക്ക്. മാവൂര് തെങ്ങിലക്കടവില് ശനിയാഴ്ച രാവിലെ ഏകദേശം പത്തരയോടെയാണ് അപകടം ഉണ്ടായത്. കോഴിക്കോട് ഭാഗത്തേക്ക് പോവുകയായിരുന്ന ലോറിയുടെ പിറകില് ബസ് ഇടിക്കുകയായിരുന്നു. ഇടിയുടെ ആഘാതത്തില് ബസ്സിന്റെ മുന്ഭാഗം പൂര്ണ്ണമായും തകര്ന്നു. രണ്ട് യാത്രക്കാരികള് റോഡിലേക്ക് തെറിച്ചുവീണു. പരിക്കേറ്റവരെ നാട്ടുകാര് ആശുപത്രിയിലെത്തിച്ചു. അപകടത്തെ തുടര്ന്ന് മാവൂര്-കോഴിക്കോട് റോഡില് ഗതാഗതം തടസപ്പെട്ടു.
കോഴിക്കോട്: കോഴിക്കോട് വളയത്ത് സൈനികനെ വീട്ടില് തൂങ്ങിമരിച്ച നിലയില് കണ്ടെത്തി. താന്നി മുക്ക് സ്വദേശി എംപി സനല്കുമാർ(30) ആണ് മരിച്ചത്.മദ്രാസ് റെജിമെന്റിലെ സൈനികനായിരുന്നു. ദീർഘകാലമായി അവധിയിലായിരുന്ന സനല്കുമാറിനു കാശ്മീരിലേക്ക് സ്ഥലം മാറ്റം ലഭിച്ചിരുന്നു. ജോലിക്ക് ഹാജരാകാൻ നിർദ്ദേശം ലഭിച്ചതിന് പിന്നാലെയാണ് സനല്കുമാറിനെ തൂങ്ങി മരിച്ച നിലയില് കണ്ടെത്തിയത്. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനല്കും.
കോഴിക്കോട്: ശസ്ത്രക്രിയയ്ക്കിടെ വയറ്റില് കത്രിക കുടുങ്ങിയ പന്തീരാങ്കാവ് സ്വദേശി കെ.കെ ഹര്ഷിനക്കെതിരെ വനിതാ കമ്മീഷന് അധ്യക്ഷ പി സതീദേവി. ഇപ്പോള് നടക്കുന്ന ഹര്ഷിനയുടെ സമരം രാഷ്ട്രീയ പ്രേരിതമാണ്. ഹര്ഷിനയെ വീട്ടില് പോയി കണ്ട് സഹായം വാഗ്ദാനം ചെയ്തെങ്കിലും അവര് നിരാകരിച്ചെന്നും പി സതീദേവി പറഞ്ഞു. ഹര്ഷിനക്ക് ആവശ്യമെങ്കില് വനിതാകമ്മീഷന് ഇടപെടലിന്റെ ഭാഗമായി സൗജന്യ നിയമസഹായം നല്കുമെന്നും സതീദേവി പറഞ്ഞു.
നഷ്ടപരിഹാരം തേടി ഹര്ഷിന ഈ ആഴ്ച ജില്ലാ കോടതിയില് ഹരജി നല്കാനിരിക്കെയാണ് വനിതാ കമ്മീഷന് അധ്യക്ഷയുടെ പരാമര്ശങ്ങള്. വയറ്റില് കത്രിക കുടുങ്ങിയത് ഗവ. മെഡിക്കല് കോളജില്നിന്നു തന്നെയെന്നു വ്യക്തമാക്കി പൊലീസ് 2023 മാര്ച്ച് 29ന് കുന്നമംഗലം കോടതിയില് കുറ്റപത്രം സമര്പ്പിച്ചിരുന്നു. ശസ്ത്രക്രിയ ചെയ്ത സംഘത്തിലുണ്ടായിരുന്ന 2 ഡോക്ടര്മാര്, 2 സ്റ്റാഫ് നഴ്സുമാര് എന്നിവരെ പ്രതിചേര്ത്താണ് കുറ്റപത്രം സമര്പ്പിച്ചത്.
2017 നവംബര് 30ന് ആയിരുന്നു മെഡിക്കല് കോളജില് നടന്ന ഹര്ഷിനയുടെ മൂന്നാമത്തെ പ്രസവ ശസ്ത്രക്രിയക്കിടെയാണ് വയറ്റില് കത്രിക കുടുങ്ങിയത്. 2022 സെപ്റ്റംബര് 17ന് മെഡിക്കല് കോളജില് നടത്തിയ ശസ്ത്രക്രിയയിലൂടെ ഹര്ഷിനയുടെ വയറ്റില് നിന്ന് ആര്ട്ടറി ഫോര്സെപ്സ് (കത്രിക) കണ്ടെടുക്കുകയും ചെയ്തിരുന്നു.
കോഴിക്കോട്: കോഴിക്കോട് അഴിയൂർ പഞ്ചായത്തിൽ ഇന്ന് ഹർത്താൽ. ദേശീയപാതയിൽ കുഞ്ഞിപ്പള്ളി ടൗണിൽ സഞ്ചാര സ്വാത്രന്ത്ര്യം നിഷേധിക്കുന്ന ദേശീയപാത അതോറിറ്റിയുടെ നിലപാടിൽ പ്രതിഷേധിച്ചാണ് ഹർത്താൽ. ടൗണിൽ അടിപ്പാത സ്ഥാപിക്കണമെന്ന ആവശ്യവും ശക്തമാണ്. രാഷ്ട്രീയ പാർട്ടികളും വ്യാപാര സംഘടനകളും മഹൽ കോ ഓഡിനേഷൻ കമ്മിറ്റിയും വൈകിട്ട് നാലുമണിവരെയുള്ള ഹർത്താലിന് പിന്തുണ പ്രഖ്യാപിച്ചിരുന്നു. ഇന്നലെ പ്രദേശത്ത് ദേശീയപാതാ നിർമ്മാണം തടഞ്ഞ നാട്ടുകാരെ പൊലീസ് അറസ്റ്റ് ചെയ്ത് നീക്കിയിരുന്നു. തുടർന്നാണ് സർവ്വകക്ഷി പ്രതിനിധികൾ ഹർത്താലിന് ആഹ്വാനം ചെയ്തത്.
ആർ.ജി. കർ മെഡിക്കല് കോളേജിലെ ഡോക്ടറെ ബലാത്സംഗം ചെയ്ത് കൊന്നകേസ്; പ്രതി കുറ്റക്കാരനെന്ന് കോടതി; ശിക്ഷാവിധി തിങ്കളാഴ്ച
ബോബി ചെമ്മണൂരിന് ജയിലിൽ വഴിവിട്ട സഹായം; ഡിഐജിയെയും സൂപ്രണ്ടിനെയും സസ്പെൻഡ് ചെയ്യാൻ ശുപാർശ
ഷാരോൺ വധക്കേസ്:ശിക്ഷാവിധി തിങ്കളാഴ്ച; ഗ്രീഷ്മയ്ക്ക് ചെകുത്താന്റെ മനസെന്ന് പ്രോസിക്യൂഷൻ
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured5 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login