പ്രധാനമന്ത്രി വിദേശത്തേക്ക്
Font size:
ന്യൂഡല്ഹി: പ്രധാനമന്ത്രി മന്മോഹന്സിംഗ് പത്തുദിവസത്തെ വിദേശയാത്രയ്ക്കായി 22-ന് പുറപ്പെടും. അമേരിക്ക, ഫ്രാന്സ് തുടങ്ങിയ രാജ്യങ്ങളിലാണ് അദ്ദേഹം സന്ദര്ശനം നടത്തുക.23-ന് ന്യൂയോര്ക്കില് ആരംഭിക്കുന്ന യു.എന് ജനറല് അസംബ്ലിയുടെ 63-ാം സമ്മേളനത്തിലായിരിക്കും പ്രധാനമന്ത്രി ആദ്യം പങ്കെടുക്കുക. ഇതിനുശേഷം വാഷിംഗ്ടണ് സന്ദര്ശിക്കുന്ന അദ്ദേഹം യു.എസ് പ്രസിഡന്റ് ജോര്ജ്ജ് ബുഷുമായി കൂടിക്കാഴ്ച നടത്തും. ഇന്ഡോ-യു.എസ് ആണവകരാര് സംബന്ധിച്ച് ഇരുവരും ചര്ച്ചകള് നടത്തുമെന്ന് ഔദ്യോഗിക കേന്ദ്രങ്ങള് സൂചിപ്പിച്ചു.
വാഷിംഗ്ടണില് നിന്ന് ഫ്രഞ്ച് നഗരമായ മര്സയിലേയ്ക്കാണ് ഡോ. സിംഗ് യാത്രയാവുക. ഇവിടെ 29-ന് നടക്കുന്ന യൂറോപ്യന് യൂണിയന്-ഇന്ത്യ ഉച്ചകോടിയില് അദ്ദേഹം പങ്കെടുക്കും. ഫ്രഞ്ച് പ്രസിഡന്റ് നിക്കോളാസ് സര്ക്കോസി, യൂറോപ്യന് കമ്മീഷന് പ്രസിഡന്റ് ജോസി മാനുവല് ദുര്യോ ബറോസോ തുടങ്ങിയവര് ഉച്ചകോടിയില് സംബന്ധിക്കുന്നുണ്ട്. തുടര്ന്ന് പാരിസിലെത്തി അദ്ദേഹം സര്കോസിയുമായി ഉഭയകക്ഷി ചര്ച്ചകള് നടത്തും. ഒക്ടോബര് ഒന്നിന് അദ്ദേഹം നാട്ടിലേയ്ക്ക് മടങ്ങും.
Add to:
del.icio.us |
Digg
del.icio.us |
Digg
Email to a friend
Print version
Plain textRate this article