| ബാലു വധക്കേസ്: എസ് ഐ യ്ക്ക് നിര്ബന്ധിത ലീവ് നല്കിയത് വിവാദത്തിലേക്ക് മനോജ് മുരളി |
|
പീരുമേട് എസ്.ഐ ആയിരുന്ന ടി.കെ ജോസിയാണ് 15 ദിവസത്തേക്ക് നിര്ബന്ധിത മെഡിക്കല് ലീവില് പ്രവേശിച്ചിരിക്കുന്നത്.വണ്ടിപെരിയാര് പഞ്ചായത്ത് മുന് പ്രസിഡന്റും ഐ.എന്.റ്റി.യു.സി ഇടുക്കി ജില്ലാ സെക്രട്ടറിയും എച്ച്. ആര്.പി.ഇ യൂണിയന് ജനറല് സെക്രട്ടറിയും ആയിരുന്ന എം.ബാലു ( ബാലസുബ്രഹ്മണ്യം) വിനെ 2004 ഒക്ടോബര് 20ന് രാത്രി 8.15ന് പീരുമേട്ടിലെ പട്ടുമല ചൂളപ്പേട്ട് എന്ന സ്ഥലത്ത് പ്രസംഗിച്ച് കൊണ്ടിരുന്നപ്പോള് ജിപ്പിലെത്തിയ സി.പി.എം പ്രവര്ത്തകരായ ഒരുസംഘം ആളുകള് വെട്ടികൊലപ്പെടുത്തിയ കേസിലെ പ്രതികള്ക്ക് പരോള് അനുവദിക്കുവാന് വഴിവിട്ട് റിപ്പോര്ട്ട് നല്കണമെന്ന സി.ഐയുടെയും, ഡി.വൈ.എസ്.പിയുടെയും പിടിവാശിക്ക് പീരുമേട് എസ്.ഐ ആയിരുന്ന ജോസി വഴങ്ങാതിരുന്നതാണ് നിര്ബന്ധിത അവധിയിലേക്ക് മാറുവാന് വഴി ഒരുങ്ങിയത്
ഇടരുമുന്നണിയിലെ വല്യേട്ടന് പാര്ട്ടിയുടെ വിനീതവിധയരായ ഡി.വൈ.എസ്.പിയും, സി.ഐയും കൂടി വിവാദനായകനായ എസ്.ഐയെ നിര്ബന്ധിത അവധിയില് പ്രവേശിപ്പിച്ചതിനു ശേഷം സ്റ്റേഷന് ചാര്ജ് നല്കിയ എ.എസ്.ഐയെ കൊണ്ട് പ്രതികള്ക്ക് അനുകൂലമായി റിപ്പോര്ട്ട് എഴുതിച്ചതായാണ് സൂചന. ബാലുവധക്കേസിന്റെ വിചാരണ വേളയില് ജീപ്പ്പ് ഡ്രൈവറും പൊതുയോഗത്തിലെ അദ്ധ്യഷനും ഉള്പ്പെടെ ഹാജരായ 22 സാക്ഷികളില് 21 പേരും കൂറ് മാറിയപ്പോള് ബാലുവിന്റെ അമ്മ മുനിയമ്മ നടത്തിയ ഒറ്റയാള് പോരാട്ടമാണ് പ്രതികളെ ശിക്ഷിക്കാന് സാഹചര്യമൊരുക്കിയത്. 2008 ഓഗസ്റ്റില് തൊടുപുഴ സെഷന്സ് കൊടതിയില് കേസ് വിചാരണ നടക്കുമ്പോള് സ്പെഷ്യല് പ്രോസിക്ക്യൂട്ടറെ നിയമിക്കണം എന്നും പുനര് വിചാരണ വേണംഎന്നും ആവശ്യപ്പെട്ട് മുനിയമ്മ ഹൈക്കോടതിയെ സമീപ്പിച്ചിരുന്നു. തൊടുപുഴ കോടതിയിലെ വിചാരണ തടഞ്ഞ ഹൈക്കോടതി എറണാകുളം പ്രിന്സിപ്പല് സെഷന്സ് കോടതിയിലേക്ക് കേസ് മാറ്റുകയും സ്പെഷ്യല് പ്രോസിക്യൂട്ടറെ നിയമിക്കുകയും ചെയ്തിരുന്നു. എറണാകുളം പ്രിന്സിപ്പല് സെഷന്സ് കോടതിയാണ് കേസിലെ എട്ട് പ്രതികള്ക്ക് ജീവപര്യന്തം ശിക്ഷ വിധിച്ചത്.
|
കുമളി: വിവാദമായ രാഷ്ട്രീയ കൊലപാതക കേസിലെ പ്രതികള്ക്ക് പരോള് അനുവധിക്കുന്നതിനായി വഴിവിട്ട് സഹായിക്കാത്ത എസ്. ഐയേ നിര്ബന്ധിത മെഡിക്കല് ലീവില് പ്രവേശിപ്പിച്ച സംഭവം പുതിയ വിവാദങ്ങള്ക്ക് തിരികൊളുത്തുന്നു. | < മുന് പേജ് | അടുത്തത് > |
|---|
-°C 