| എലിപ്പേടി മൂലം ധനമന്ത്രി ഇല്ലം ചുടരുത് |
|
സംസ്ഥാനത്തെ സര്ക്കാര് ജീവനക്കാരുടെ പെന്ഷന്പ്രായം ഉയര്ത്തുന്നതിനെക്കുറിച്ച് സി.ഡി.എസിലെ ഡോ. ഇരുദയരാജന്റെ ചോദ്യത്തിനു മറുപടിയായി ധനമന്ത്രി ഡോ. തോമസ് ഐസക്ക് പറഞ്ഞത് 'പൂച്ചയ്ക്കു മണികെട്ടാന് ഞാനില്ല' എന്നാണു വാര്ത്ത കണ്ടത്. ഈ വാര്ത്ത കേരളത്തിലെ ധനമന്ത്രിയുടെ നിരുത്തരവാദിത്വത്തിലേക്കാണു വിരല് ചൂണ്ടുന്നത്. ഇന്ത്യയിലെ മേറ്റ്ല്ലാ സംസ്ഥാനങ്ങളിലെയും കേന്ദ്രഭരണപ്രദേശങ്ങളിലെയും കേരളത്തിലെ ഭൂരിഭാഗം വരുന്ന കേന്ദ്ര-പൊതു-സ്വകാര്യ മേഖലകളിലെ ജീവനക്കാരും അനുഭവിക്കുന്ന 62 വയസ്സുവരെയുള്ള തൊഴില് അവകാശം ഒരു ചെറിയ വിഭാഗത്തിനുമാത്രം നിഷിദ്ധമെന്നു പറയുന്നത് ഭരണഘടനയുടെ അവകാശലംഘനവും സാമൂഹികനീതി നിഷേധവുമാണ്. അതും ജനങ്ങള് തെരഞ്ഞെടുത്ത ഉത്തരവാദിത്വപ്പെട്ട ഒരു മന്ത്രിയുടെ ഭാഗത്തുനിന്നും ഉണ്ടാകുന്നത് ഖേദകരവും.
യുവാക്കള് മാറ്റത്തിനെതിരല്ല; എന്നാല് അവര്ക്കുള്ള ആശങ്കയ്ക്കു പരിഹാരമാണുണ്ടാകേണ്ടത്. ഇതിനായി ഭരണപക്ഷവും പ്രതിപക്ഷവും യോജിച്ചു പ്രവര്ത്തിക്കണം. ജീവനക്കാരുടെ സംഘടനകളുടെ അനൈക്യമാണ് ഈ പ്രശ്നം പരിഹരിക്കാതെ നീണ്ടുപോകുന്നതിനുള്ള പ്രധാന കാരണം. കഴിഞ്ഞ ശമ്പള കമ്മീഷന് റിപ്പോര്ട്ടിലെ പെന്ഷന് പ്രായവര്ദ്ധനവുള്പ്പടെയുള്ള നിര്ദ്ദേശങ്ങള് ഗവ. ഉത്തരവിലൂടെ അംഗീകരിക്കുക വഴി അതു നടപ്പാക്കേണ്ട ചുമതലയാണു സര്ക്കാരിനുള്ളത്. അതുകൊണ്ടുതന്നെ യു.ഡി.എഫിനോ അതിലെ ഘടകകക്ഷികള്ക്കോ യുവജനസംഘടനകള്ക്കോ എതിരുനില്ക്കാനുള്ള ധാര്മ്മിക ബാധ്യതയില്ലാതായിരിക്കുന്നു. സര്ക്കാര് സംഘടിപ്പിക്കുന്ന ഏതുതല ചര്ച്ചയിലും രേഖാമൂലം അറിയിച്ചാല് പങ്കെടുത്ത കാര്യങ്ങള് വസ്തുനിഷ്ഠമായി ബോദ്ധ്യപ്പെടുത്താന് ഞാന് തയ്യാറാണെന്നും അറിയിക്കുന്നു. |
| < മുന് പേജ് | അടുത്തത് > |
|---|
26°C 
25°C 
-°C 