അപവാദങ്ങളുടെ കരിമ്പുക ഊതിപ്പടര്‍ത്തുന്ന പ്രതിപക്ഷ കക്ഷികളുടെ ചന്ദ്രഹാസം അവഗണിച്ചുകൊണ്ട്്് രണ്ടാം യു.പി.എ. സര്‍ക്കാര്‍ അഭിമാനപൂര്‍വം അഞ്ചാംവര്‍ഷത്തിലേക്കു പ്രവേശിച്ചിരിക്കുന്നു.

കേരളത്തിലെ ആരോഗ്യ പരിപാലനരംഗം പടിപടിയായി മെച്ചപ്പെടുന്നതില്‍ സംസ്ഥാന സര്‍ക്കാരിന് ഏറെ അഭിമാനിക്കാന്‍ വകയുണ്ട്.

കണ്ണൂര്‍ ജില്ലയില്‍ ഒരു ആര്‍.എസ്.എസ്സുകാരന്‍ കൊല്ലപ്പെട്ടാല്‍ പ്രതികള്‍ ആരാണെന്ന് കണ്ടുപിടിക്കാന്‍ പൊലീസിന് ഒട്ടും ക്ലേശിക്കേണ്ടിവന്നിരുന്നില്ല. ഏത് സി.പി.എം പ്രവര്‍ത്തകരാണ് എന്നേ അന്വേഷിക്കേണ്ടതുള്ളൂ.

വെച്ചടിവെച്ചടി കയറ്റം'' എന്നൊരു പ്രയോഗം ഉണ്ട്. ഉയര്‍ച്ചയുടെയും വളര്‍ച്ചയുടെയും സമൃദ്ധിയുടെയും സൂചനയാണത് നല്‍കുന്നത്. കേരളത്തിലെ കമ്യൂണിസ്റ്റു പാര്‍ട്ടികളെ സംബന്ധിച്ചിടത്തോളം ഈ പ്രയോഗത്തെ തലതിരിച്ച് പറയണം.

മൂന്ന് ദിവസത്തെ ഔദ്യോഗിക സന്ദര്‍ശനത്തിനായി ചൈനീസ് പ്രധാനമന്ത്രി ലീ കെ ചിയാങ് ഇന്നലെ വൈകുന്നേരം ന്യൂഡല്‍ഹിയില്‍ എത്തിയപ്പോള്‍ ഏഷ്യാ വന്‍കരയില്‍ ബഹുരാഷ്ട്ര സൗഹൃദത്തിന്റെ പുതിയൊരു അദ്ധ്യായത്തിന് ആരംഭം കുറിക്കുകയാണ്.

ഉമ്മന്‍ചാണ്ടി നയിക്കുന്ന യു.ഡി.എഫ് സര്‍ക്കാര്‍ അഭിമാനപൂര്‍വം രണ്ടുവര്‍ഷം പൂര്‍ത്തിയാക്കി. കേരളത്തിന്റെ സാമ്പത്തിക ഘടന ഉടച്ചുവാര്‍ക്കുന്നതിന് ഉപയുക്തമായ ''വിഷന്‍-2030'' എന്ന ആസൂത്രണ ദര്‍ശന പദ്ധതിയുമായി സര്‍ക്കാര്‍ മൂന്നാം വര്‍ഷത്തേക്ക് ചുവടു വയ്ക്കുകയാണ്.

വേദപുസ്തകത്തിലെ മെഥുസെല ഇനി ഒരു സങ്കല്‍പ സൃഷ്ടിയല്ല. ഇന്ത്യന്‍ പുരാണത്തിലെ ചിരഞ്ജീവി എന്ന കഥാപാത്രവും സാങ്കല്‍പികമല്ലാതാകുന്നു. മനുഷ്യന് മരണമില്ലാത്ത ഒരു കാലം വരുമെന്നാണ് ശാസ്ത്രം നല്‍കുന്ന സൂചന.

ക്രിമിനല്‍ കേസുകളില്‍ കുറ്റവാളികള്‍ക്ക് ശിക്ഷ വിധിക്കുന്ന ഉത്തരവില്‍ തന്നെ കുറ്റകൃത്യത്തിന് ഇരയാകുന്നവര്‍ക്കുള്ള നഷ്ടപരിഹാരവും ഉറപ്പാക്കണമെന്ന് സുപ്രീംകോടതി കഴിഞ്ഞദിവസം ഉത്തരവിട്ടു.

പ്രാദേശിക വികസനത്തിന് രണ്ട് മാതൃകകള്‍ രാജ്യം ചൂണ്ടിക്കാട്ടുന്നു. കേരള മോഡല്‍ എന്ന പഴയ മാതൃകയും ഗുജറാത്ത് മോഡല്‍ എന്ന പുതിയ മാതൃകയും. സുസ്ഥിര വികസനത്തിന് ഉതകുന്നത് ഇവയില്‍ ഏതെന്ന് ആരും ഉറപ്പിച്ചു പറയുന്നില്ല.

ലോകമെങ്ങുമുള്ള സമാധാനകാംക്ഷികളിലും ജനാധിപത്യ വിശ്വാസികളിലും ഏറെ ആശ്വാസവും പ്രതീക്ഷയും  ഉണര്‍ത്തിക്കൊണ്ട്്് പാക്കിസ്ഥാനില്‍  മുസ്‌ലിം ലീഗ് (പി.എം.എല്‍എന്‍) നേതാവ് നവാസ് ഷെരീഫ് മൂന്നാംവട്ടം പ്രധാനമന്ത്രിക്കസേരയിലേറുന്നു.

ചിറകരിയപ്പെട്ടാല്‍ ഇഴയാന്‍ മടിക്കാത്ത പക്ഷികളുടെ ഗണത്തിലേക്ക്്് ചേക്കേറാന്‍ വി. എസ്്. അച്യുതാനന്ദന് പ്രത്യേക പരിശീലനം നല്‍കുന്നതു സംബന്ധിച്ച്്് തീരുമാനമെടുക്കാനുള്ള ചുമതല സി.പി.എം സംസ്ഥാന സമിതിക്ക്്് പോളിറ്റ് ബ്യൂറോ വിട്ടുകൊടുത്തതായി അനുമാനിക്കേണ്ടിയിരിക്കുന്നു.

ഇന്ത്യയില്‍ തപാല്‍ സര്‍വീസ് ഒരു പഴങ്കഥയാവുകയാണോ? ജനജീവിതത്തെ ഒരിക്കല്‍ ആഴത്തില്‍ സ്വാധീനിച്ചിട്ടുള്ള തപാല്‍ സേവന മേഖലയുടെ ആവശ്യം മാറിയ കാലത്ത് പരിമിതപ്പെട്ടിട്ടുണ്ട്.

അടുത്ത അധ്യയനവര്‍ഷം മുതല്‍ സംസ്ഥാനത്ത് സ്വയംഭരണ കോളജുകള്‍ യാഥാര്‍ത്ഥ്യമാവുകയാണ്. അക്കാദമിക് സമൂഹം ഏറെ കാത്തിരുന്ന പ്രധാനപ്പെട്ട ഒരു വിദ്യാഭ്യാസ പരിഷ്‌കാരമാണിത്.

ഇന്ത്യയാകെ ഉറ്റുനോക്കിയിരുന്ന കര്‍ണാടക നിയമസഭാ തെരഞ്ഞെടുപ്പില്‍ കോ ണ്‍ഗ്രസ് കേവല ഭൂരിപക്ഷം നേടി സംസ്ഥാന ഭരണം തിരിച്ചുപിടിച്ചിരിക്കുകയാണ്. 223 അംഗ നിയമസഭയില്‍ 121 സീറ്റാണ് കോണ്‍ഗ്രസിന് ലഭിച്ചത്.

കേരളത്തില്‍ ഗ്രാമങ്ങള്‍തോറും തരിശായി കിടക്കുന്ന ഭൂപ്രദേശങ്ങള്‍ ഉല്‍പാദനോന്മുഖമാക്കുന്നതിനെക്കുറിച്ച് ഈ പംക്തിയില്‍ ഞങ്ങള്‍ ഒരിക്കല്‍ പരാമര്‍ശിച്ചിരുന്നു.

തൊഴിലിന്റെ മാഹാത്മ്യത്തെപ്പറ്റി തൊഴിലാളികളെ ബോധ്യപ്പെടുത്തുന്നതില്‍ ദയനീയമായി പരാജയപ്പെട്ട രാഷ്ട്രീയ പ്രസ്ഥാനമാണ് കേരളത്തിലെ സി.പി.എം.

മത്സരപരീക്ഷയിലൂടെ ഒരു ബിരുദധാരിക്ക് ഉയര്‍ന്ന പദവിയിലെത്താന്‍ ലഭിക്കുന്ന അവസരമാണ് ഇന്ത്യന്‍ സിവില്‍ സര്‍വീസ്. വര്‍ഷാവര്‍ഷം ഐ.എ.എസിലേക്കും ഐ.പി.എസിലേക്കും ഐ.എഫ്.എസിലേക്കും അടക്കം നാനൂറോളം യുവതീ യുവാക്കളെ ക്ലാസ് വണ്‍ ഓഫീസര്‍ തസ്തികയില്‍ ഇത്തരത്തില്‍ തെരഞ്ഞെടുക്കുന്നുണ്ട്.

ജനപങ്കാളിത്തം കൊണ്ട് ലോകത്തിലെ ഏറ്റവും വലിയ ജനാധിപത്യ രാജ്യമാണ് ഇന്ത്യ. ഭൂമുഖത്തെ ഏറ്റവും ബൃഹത്തായ മാനുഷിക പ്രവര്‍ത്തനങ്ങളിലൊന്ന് ഇന്ത്യയിലെ പൊതുതെരഞ്ഞെടുപ്പാണ്.

ഇരുപത്തിരണ്ടുവര്‍ഷമായി പാകിസ്ഥാനിലെ ജയിലില്‍ കഴിഞ്ഞുവന്ന ഇന്ത്യന്‍ വംശജന്‍ സരബ് ജിത്ത് സിംഗ് എന്ന നാല്പത്തിയൊമ്പതുകാരന്‍ ക്രൂരമായ മര്‍ദ്ദനത്തെത്തുടര്‍ന്ന് ലാഹോറിലെ ജിന്ന ആശുപത്രിയില്‍  മരണമടഞ്ഞു.

പരസ്പരാശ്രയത്വം തിരിച്ചറിഞ്ഞുള്ള വ്യാപാര ബന്ധത്തിലേക്ക് ഇന്ത്യയും അമേരിക്കയും അനുക്രമമായി പുരാഗമിക്കുന്നുവെന്ന  ഇന്ത്യന്‍ അംബാസഡര്‍ നിരുപമ റാവുവിന്റെ നിരീക്ഷണം നയതന്ത്രജ്ഞരുടെ പതിവു വാചകമടിക്കപ്പുറമായി ഏറെ പ്രാധാന്യമര്‍ഹിക്കുന്നു.

വിദഗ്ധരായ ചികിത്സകരുടെ കുറവ് ഒരു ദേശീയ പ്രശ്‌നമാണ്. ചികിത്സാശാസ്ത്രത്തില്‍ ബിരുദം നേടിയവര്‍ കൂടുതല്‍ വൈദഗ്ധ്യത്തിനായി ഉപരിപഠനത്തിന് ശ്രമിക്കുമ്പോള്‍ കടുത്ത മത്സരമാണ് നേരിടേണ്ടിവരുന്നത്.

പാലക്കാട്, ചിറ്റൂര്‍ പ്രദേശങ്ങളിലെ അതിരൂക്ഷമായ ജലക്ഷാമം പരിഹരിക്കാന്‍ പറമ്പിക്കുളം-ആളിയാര്‍ കരാര്‍ പ്രകാരം കേരളത്തിന് സെക്കന്‍ഡില്‍ 200 ഘനഅടി വെള്ളം നല്‍കാന്‍ തമിഴ്‌നാട് സമ്മതിച്ചു.

'അതിവേഗം ബഹുദൂരം' എന്നത് ഉമ്മന്‍ ചാണ്ടി സര്‍ക്കാരിന്റെ പ്രഖ്യാപിതമായ നിലപാടാണ്.

ഏതാനും വര്‍ഷംമുമ്പ് പ്രശസ്തനായ ഒരു മലയാള സാഹിത്യകാരന്‍ അട്ടപ്പാടി മലകള്‍ കയറിയിറങ്ങിയശേഷം തിരിച്ചുവന്ന് ഇങ്ങനെ പറഞ്ഞു: 'കേരളം നശിക്കുന്നത് കാണണമെങ്കില്‍ അട്ടപ്പാടിയില്‍ ചെന്ന് നോക്കിയാല്‍ മതി'.

കേരളത്തിലെ ഏറ്റവും വലിയ പൊതുപരീക്ഷയുടെ ഫലം ഇന്നലെ പുറത്തുവന്നപ്പോള്‍ ഉണ്ടായ ആഹ്ലാദത്തിന് പല മാനങ്ങളുണ്ട്.

ജമ്മു-കാഷ്മീരിലെ കിഴക്കന്‍ ലഡാക്കിലുള്ള ദൗലത്തില്‍ അതിര്‍ത്തി ലംഘിച്ച് ചൈനീസ് പട്ടാളം കടന്നുകയറിയത് ഇന്ത്യ-ചൈന സൗഹൃദബന്ധത്തെ ഉലയ്ക്കുന്നതരത്തില്‍ പ്രകോപനപരമായ നടപടിയാണ്.

ചരിത്രാന്വേഷികള്‍ക്ക് ഏറെ പ്രിയപ്പെട്ടവയാണ് ശിലാലിഖിതങ്ങളും വട്ടെഴുത്തും ചെപ്പേടുകളും മറ്റും.

ഗണിതശാസ്ത്ര ലോകം വിസ്മയത്തോടെ സ്വീകരിച്ച ഇന്ത്യന്‍ പ്രതിഭ, ശകുന്തളാ ദേവി ഓര്‍മ്മയായി. 83-ാം വയസില്‍ ബാംഗ്ലൂരിലെ വസതിയില്‍ ഹൃദയാഘാതത്തെ തുടര്‍ന്നാണ് ലോകംകണ്ട വേഗതയേറിയ 'മനുഷ്യ കമ്പ്യൂട്ടര്‍' കഥാവശേഷയായത്.

വ്യവസായ ആവശ്യങ്ങള്‍ക്കും പൊതു ആവശ്യങ്ങള്‍ക്കും ഭൂമി ഏറ്റെടുക്കുന്നത് സംബന്ധിച്ച വ്യവസ്ഥകള്‍ പുതുക്കി നിശ്ചയിക്കാന്‍ ഡല്‍ഹിയില്‍ കഴിഞ്ഞദിവസം ചേര്‍ന്ന സര്‍വകക്ഷിയോഗം യോജിപ്പിലെത്തി.

ജനജീവിതവും സാമ്പത്തിക വളര്‍ച്ചയും കണക്കിലെടുത്ത് പരിസ്ഥിതിക്ക് ഇണങ്ങിയ വികസനത്തിന് ഊന്നല്‍ നല്‍കി ഭാവികേരളത്തെ രൂപപ്പെടുത്താമെന്ന് കസ്തൂരി രംഗന്‍ സമിതി ശുപാര്‍ശ ചെയ്തിരിക്കുന്നു.

സര്‍ക്കാരേതര ആശുപത്രികളിലെ ഡോക്ടര്‍മാര്‍ ഒഴികെയുള്ള ജീവനക്കാരുടെ സേവന വേതന വ്യവസ്ഥ പരിഷ്‌കരിച്ചുകൊണ്ട് ദീര്‍ഘകാലമായി ആ മേഖലയില്‍ നിലനിന്നുപോന്ന കൊടിയ ചൂഷണത്തിന് സംസ്ഥാന തൊഴില്‍വകുപ്പ് വിരാമമുണ്ടാക്കിയിരിക്കുന്നു.

സാമ്പത്തിക വിദഗ്ദ്ധരെ അമ്പരപ്പിലാഴ്ത്തിക്കൊണ്ട് സ്വര്‍ണ്ണവില ആഗോളതലത്തില്‍ കൂപ്പുകുത്തി വീഴുന്ന കാഴ്ച ഏതാനും ദിവസങ്ങളായി തുടര്‍ന്നുകൊണ്ടേയിരിക്കുന്നു. പൊന്നിലും മണ്ണിലും കണ്ണമടച്ചു നിക്ഷേപിക്കാമെന്ന പഴയ സിദ്ധാന്തം പകുതി പതിരായി മാറുകയാണോയെന്ന ചിന്ത പ്രബലമാവുകയാണ്.

പ്രതിപക്ഷ മുന്നണിയായ എന്‍.ഡി.എയില്‍ കാര്യങ്ങള്‍ കുഴയുകയാണ്. ബി.ജെ.പി നേതൃത്വം നല്‍കുന്ന ഈ മുന്നണിയിലെ രണ്ടാമത്തെ കക്ഷിയായ ഐക്യജനതാദള്‍ കടുത്ത ചില വെല്ലുവിളികള്‍ ഉയര്‍ത്തിക്കൊണ്ട് അവരുടെ രാഷ്ട്രീയ നിലപാടുകള്‍ വ്യക്തമാക്കിയിരിക്കുന്നു.

സംസ്ഥാനത്ത് ആറുമണിക്കൂര്‍ ലോഡ്‌ഷെഡിങ്ങ് ഏര്‍പ്പെടുത്തേണ്ട തരത്തില്‍ വൈദ്യുതിക്ഷാമം രൂക്ഷമാണെങ്കിലും ജനനന്മയെക്കരുതി സര്‍ക്കാര്‍ തല്‍ക്കാലം അങ്ങനെ ചെയ്യുന്നില്ലെന്ന് മന്ത്രി ആര്യാടന്‍ മുഹമ്മദ് പറഞ്ഞു.

കേരളാ പബ്ലിക് സര്‍വീസ് കമ്മീഷന്‍ മുമ്പെങ്ങുമില്ലാത്ത വിധം ഉദ്യോഗാര്‍ത്ഥികളുടെ സാമൂഹിക ബാധ്യതയേയും പൊതുവിജ്ഞാനത്തെയും കുറിച്ച് പരസ്യമായി സംസാരിച്ചുതുടങ്ങിയത് ജനങ്ങള്‍ ഭിന്നസ്വരത്തോടെയാണ് സ്വീകരിക്കുന്നത്.

സര്‍ക്കാര്‍ സര്‍വീസില്‍ അസിസ്റ്റന്റ് സര്‍ജന്മാരായി നിയമിക്കാന്‍ കേരളാ പബ്ലിക് സര്‍വീസ് കമ്മീഷന്‍ പരീക്ഷിച്ച ജൂനിയര്‍ ഡോക്ടര്‍മാരില്‍ ഭൂരിഭാഗത്തിനും സാമൂഹിക പ്രതിബദ്ധതയോ സാമാന്യജ്ഞാനമോ തൊട്ടുതീണ്ടിയിട്ടില്ലെന്ന് ആക്ഷേപം ഉയരുന്നു.

മീനച്ചൂടില്‍ കേരളം വെന്തുരുകുന്നു എന്നാണ് സ്വന്തം ലേഖകന്റെ വിവരണം. വേനല്‍ക്കാലത്തെ ശരാശരി താപനിലയും കടന്ന് ചൂട് 40ഡിഗ്രി സെല്‍ഷ്യസില്‍ തൊട്ടുകഴിഞ്ഞു. അങ്ങനെ പുനലൂരില്‍ അടിക്കടി രണ്ടു പേര്‍ക്ക് സൂര്യാഘാതവും ഏറ്റു.

പാന്‍മസാലയും മയക്കുമരുന്നും കേരളത്തില്‍ നിരോധിച്ചിട്ട് വര്‍ഷങ്ങളായി. എന്നാല്‍ സംസ്ഥാനത്തെ ഏത് പെട്ടിക്കടയിലും മാരകവിഷാംശം കലര്‍ന്നിട്ടുള്ള പാന്‍മസാല പൊതികള്‍ വാങ്ങാന്‍കിട്ടും.

വികസന രാഷ്ട്രീയവുമായി രംഗത്തുവന്ന നരേന്ദ്ര മോഡിക്ക് ശക്തമായ വെല്ലുവിളി ഉയര്‍ത്തിക്കൊണ്ട് തീവ്രഹിന്ദുത്വവാദമുയര്‍ത്തി എല്‍.കെ. അദ്വാനി ഇറങ്ങി.

ആധുനിക ഇന്ത്യയില്‍ നിന്ന് മഹനീയ ആശയങ്ങള്‍ ഉയരാത്തത് അടിസ്ഥാന സൗകര്യങ്ങളുടെ അഭാവമാണെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി അഭിപ്രായപ്പെട്ടു.

പരിയാരം, കൊച്ചി മെഡിക്കല്‍ കോളജുകള്‍ സര്‍ക്കാര്‍ ഏറ്റെടുക്കാന്‍ നീക്കമാരംഭിച്ചത് പൊതുവില്‍ സമൂഹം ഒന്നടങ്കം സ്വാഗതം ചെയ്യുകയാണ്.

സിപി.എമ്മിലെ കഞ്ഞിക്കുഴി കലാപം നേതാക്കളുടെ പേരില്‍ കുപ്രസിദ്ധമായ ഗ്രൂപ്പുകള്‍ തിരിഞ്ഞുള്ള വിഭാഗീയ പ്രവര്‍ത്തനമായി കാണാന്‍ മാധ്യമങ്ങള്‍ കൗതുകം കാട്ടുന്നു.

ഔഷധങ്ങള്‍ നിര്‍മിക്കുന്ന ബഹുരാഷ്ട്ര കമ്പനികള്‍ക്ക് ഇന്ത്യ ഒരു മഹാവിപണിയാണ്. 121 കോടി ജനങ്ങള്‍ രോഗശാന്തിക്കായി ആധുനിക ചികിത്സാരീതിയും ഔഷധസേവയും അവലംബിക്കുമ്പോള്‍ കണ്ണഞ്ചിപ്പിക്കുന്ന ലാഭം കൊയ്‌തെടുക്കാമെന്ന് മരുന്ന് കമ്പനിക്കാര്‍ വ്യാമോഹിക്കുന്നു.

തര്‍ക്കിച്ചും വഴക്കിട്ടും വെട്ടിയും തിരുത്തിയും ഒടുവില്‍ ബി.ജെ.പിയിലെ അഴിച്ചുപണി നടന്നു. പുനഃസംഘടിപ്പിക്കപ്പെട്ട നേതൃഘടനയും ഭാരവാഹികളുടെ പട്ടികയും പുറത്തുവന്നപ്പോള്‍ തര്‍ക്കങ്ങളെല്ലാം അപ്പടി തുടരുകയും ചെയ്യുന്നു.

സൗദി അറേബ്യയില്‍ 'നിതാഖാത്ത്' എന്ന പേരില്‍ നടപ്പാക്കാനുദ്ദേശിക്കുന്ന സ്വദേശിവല്‍ക്കരണം കേരളത്തെ ആശങ്കയിലാഴ്ത്തിയിരിക്കുന്നു. ആ രാജ്യത്ത് തൊഴില്‍ചെയ്യുന്ന ലക്ഷക്കണക്കായ ആളുകള്‍ക്ക് ഈ നിയമം മൂലം പണി പോകുമെന്നാണ് പറയപ്പെടുന്നത്.

ദ്വീപ് രാഷ്ട്രമായ ശ്രീലങ്കയ്‌ക്കെതിരെ തമിഴ്‌നാട് നിയമസഭ ഇന്നലെ ഒരു പ്രമേയം പാസാക്കി.

സോഷ്യലിസം കാലഹരണപ്പെട്ട ഒരു വാക്കാണെന്ന് കടുത്ത കമ്യൂണിസ്റ്റുകള്‍പോലും പറയുന്നു.

കേരളം ഇന്നു നേരിടുന്ന ഏറ്റവും വലിയ വിപത്താണ് അടിക്കടി ഉണ്ടാകുന്ന വാഹനാപകടങ്ങള്‍.

നാലുവര്‍ഷത്തെ വിദേശവാസം മതിയാക്കി പാകിസ്ഥാന്‍ മുന്‍ പ്രസിഡന്റ് പര്‍വേശ് മുഷാറഫ് ഇന്നലെ ജന്മനാട്ടില്‍ തിരിച്ചെത്തി.

സാര്‍വദേശീയ മര്യാദ കാറ്റില്‍പ്പറത്തിയും രാജ്യാന്തര നിയമങ്ങളെ അനാദരിച്ചും ഇറ്റലി ഇന്ത്യയെ കബളിപ്പിക്കാനെടുത്ത കുതന്ത്രം ദയനീയമായി പാളിയപ്പോള്‍ ഇന്ത്യ കൈവരിച്ചത്് ലോകശ്രദ്ധ പിടിച്ചുപറ്റുന്ന നയതന്ത്രവിജയം.

കേരളത്തിലെ എസ്.എഫ്.ഐ ഒരു തെമ്മാടിക്കൂട്ടമായി അധഃപതിച്ചിട്ട് കാലമേറെയായി. സഹിഷ്ണുതയില്ല, ജനാധിപത്യബോധമില്ല, സഹവര്‍ത്തിത്വവും സാഹോദര്യവും സ്‌നേഹവും അവരുടെ ബോധത്തിന്റെ ഏഴയലത്തുകൂടി പോകുന്നില്ല.

ദാരിദ്ര്യവും ഭക്ഷ്യക്ഷാമവും ഇല്ലാത്ത സമൃദ്ധമായ ഒരു കാലം ഒരിക്കല്‍ നാടിന്റെ സ്വപ്‌നമായിരുന്നു.

തമിഴ്‌നാട്ടിലെ മുത്തുവേല്‍ കരുണാനിധി മുനയൊടിഞ്ഞ ഒരു കുന്തമാണ്. പാണ്ടന്‍ നായുടെ പല്ലിന്റെ ശൗര്യം പണ്ടേപോലെ ഫലിക്കുന്നില്ലെന്ന് പറയുന്നതുപോലെ കരുണാനിധിയുടെയും ഡി.എം.കെയുടെയും മൂര്‍ച്ച തേഞ്ഞുമാഞ്ഞ് ഇല്ലാതാവുകയാണ്.

മലയാള ചലച്ചിത്രരംഗം അര്‍ത്ഥവത്തായ മാറ്റങ്ങള്‍ക്ക് വിധേയമായിക്കൊണ്ടിരിക്കുകയാണ്.

കേരളം ജലക്ഷാമവും വരള്‍ച്ചയും നേരിടുന്നതിനുള്ള തകൃതിയായ ഒരുക്കത്തിലാണ്. കഴിഞ്ഞ നാല്‍പത് വര്‍ഷത്തിനുള്ളില്‍ സംസ്ഥാനം നേരിടുന്ന ഏറ്റവും രൂക്ഷമായ വരള്‍ച്ചയാണ് ഇക്കൊല്ലം അനുഭവപ്പെടുന്നതെന്ന് അനുമാനിക്കുന്നു.

സംസ്ഥാനത്തിന് വേണ്ടി മുമ്പ് പത്ത് വാര്‍ഷിക ബജറ്റുകള്‍ അവതരിപ്പിച്ച അനുഭവജ്ഞാനവും സുദീര്‍ഘമായ രാഷ്ട്രീയ പ്രവര്‍ത്തന പാരമ്പര്യവും ഉള്ള ധനമന്ത്രി കെ.എം. മാണിയുടെ പതിനൊന്നാമത്തെ ബജറ്റ് പ്രസംഗം തികഞ്ഞ കൗതുകത്തോടെയാണ് ഇന്നലെ കേരളം കേട്ടത്.

ലോക കത്തോലിക്കാ സമൂഹത്തിന്റെ ആത്മീയ നേതാവായി ബ്യൂണസ് അയേഴ്‌സ് ആര്‍ച്ച് ബിഷപ്പ് ജോര്‍ജ് മാരിയോ ബെര്‍ഗോഗ്ലിയോ തെരഞ്ഞെടുക്കപ്പെട്ട വാര്‍ത്ത ഹര്‍ഷപുളകത്തോടെയാണ് വിശ്വാസികള്‍ സ്വീകരിച്ചത്.

ഓരോരുത്തര്‍ക്കും ഓരോ തലയാണുള്ളത്. സ്വതന്ത്രമായി ചിന്തിക്കാനും സ്വന്തം അഭിപ്രായങ്ങള്‍ സ്വരൂപിക്കാനും ഒറ്റയ്ക്കുനില്‍ക്കാനും മനുഷ്യനെ പ്രാപ്തനാക്കുന്നത് അതുകൊണ്ടാണ്.

കര്‍ണാടകത്തില്‍ രാഷ്ട്രീയ കാലാവസ്ഥ പ്രത്യാശാനിര്‍ഭരമായി മാറുകയാണ്. നിയമസഭാ തെരഞ്ഞെടുപ്പിനുള്ള സമയം അടുത്തുവരുന്ന ഘട്ടത്തില്‍ വ്യക്തമായ ചൂണ്ടുപലകയെന്ന് വിശേഷിപ്പിക്കാവുന്ന തരത്തില്‍ കഴിഞ്ഞദിവസം നടന്ന നഗരസഭാ തെരഞ്ഞെടുപ്പുകളില്‍ കോണ്‍ഗ്രസ് വന്‍വിജയം നേടിയിരിക്കുന്നു.

സംസ്ഥാനത്ത് സര്‍ക്കാര്‍ ജോലിക്ക് മലയാളം അറിയണമെന്ന നിര്‍ദ്ദേശം പബ്ലിക് സര്‍വീസ് കമ്മീഷന്‍ അംഗീകരിച്ചു. ഇപ്പോള്‍ ജോലി ചെയ്യുന്ന ജീവനക്കാരുടെ മാതൃഭാഷാ പ്രാവീണ്യം തെളിയിക്കാന്‍ വകുപ്പുതല പരീക്ഷ നടത്താനും തീരുമാനിച്ചിട്ടുണ്ട്.

അതിവിശുദ്ധ സ്ഥലങ്ങളിലേക്ക് നരേന്ദ്ര മോഡിയെ ആനയിക്കാന്‍ കരുതിക്കൂട്ടി നടത്തുന്ന നീക്കങ്ങള്‍ക്ക് വിജയസാധ്യത തീര്‍ത്തും കുറവാണെന്ന് വ്യക്തമാക്കുന്ന സംഭവമായി പെന്‍സില്‍വേനിയ യൂണിവേഴ്‌സിറ്റിയിലെ സുപ്രധാന ചര്‍ച്ചാ സമ്മേളനത്തില്‍ നിന്നുള്ള നാടകീയമായ തിരസ്‌കാരം.

കോട്ടയ്ക്കല്‍ രാജാസ് ഹയര്‍ സെക്കണ്ടറി സ്‌കൂളില്‍ സ്ഥാപിച്ചിരുന്ന ഒ.വി.വിജയന്‍പ്രതിമ തകര്‍ത്ത് വികൃതമാക്കിയ നിലയില്‍ കഴിഞ്ഞദിവസം കണ്ടെത്തിയ വാര്‍ത്ത സാംസ്‌കാരിക കേരളം അതീവ ലജ്ജയോടെ വായിച്ചു.

വികസന സങ്കല്‍പങ്ങള്‍ മാറുകയാണ്. സംസ്ഥാനങ്ങളില്‍ എങ്ങനെ വികസന പരിപാടികള്‍ നടപ്പാക്കണം എന്ന് ഡല്‍ഹിയില്‍ കേന്ദ്രസര്‍ക്കാര്‍ അന്തിമമായി തീരുമാനിക്കുന്ന സ്ഥിതി സമൂലമായി മാറുന്നു.

ഇസങ്ങളുടെ മായാവലയത്തില്‍പ്പെടാതെ ജനനന്മയ്ക്കായി അദ്ധ്വാനിച്ച് നൂറുമേനി വിളവുകൊയ്തശേഷം ചരിത്രത്തിലേക്കു നിഷ്‌ക്രമിക്കുന്നു വെനിസ്വേലയുടെ വീരനായകന്‍ ഹ്യൂഗോ ഷാവേസ്.

സൗരോര്‍ജത്തോടുള്ള ആഭിമുഖ്യം സംസ്ഥാനത്ത്്് ഏറിവരുന്നത്് സ്വാഗതാര്‍ഹമായ പരിണാമം തന്നെ.

ബംഗ്ലാദേശില്‍ വ്യാപകമായിക്കൊണ്ടിരിക്കുന്ന കലാപം നിയന്ത്രിക്കുന്നതില്‍ ഷേഖ് ഹസീനയുടെ അവാമിലീഗ് ഗവണ്‍മെന്റ് ഏറെക്കുറെ വിജയിക്കുന്നുണ്ടെങ്കിലും സംഘര്‍ഷത്തിനു തുനിഞ്ഞിറങ്ങിയിട്ടുള്ള

കേരളത്തെ ഷൂട്ടൗട്ടില്‍ കഷ്ടിച്ചു പരാജയപ്പെടുത്തിക്കൊണ്ട്് സര്‍വീസസ്് ടീം ഇന്നലെ രാത്രി സന്തോഷ്്് ട്രോഫിയില്‍ ആവര്‍ത്തിച്ച്്് മുത്തമിടുന്നത്് ലോകവ്യാപകമായി മലയാളികള്‍ സമ്മിശ്ര വികാരങ്ങളോടെയാകണം കണ്ടിട്ടുണ്ടാവുക.

പ്രതിപക്ഷനേതാവ് വി.എസ്് അച്യുതാനന്ദന് പാര്‍ട്ടിയില്‍ കിടക്കപ്പൊറുതി കൊടുക്കില്ലെന്ന്് ആവര്‍ത്തിച്ചു വ്യക്തമാക്കിക്കൊണ്ടിരിക്കുന്നു സി.പി.എം സംസ്ഥാന സെക്രട്ടറി പിണറായി വിജയന്‍.

കണ്ണുമടച്ചെതിര്‍ക്കാന്‍ കരുതിക്കൂട്ടി പുറപ്പെട്ടവരൊഴികെ ഏവരും നല്ലതെന്നു വിശേഷിപ്പിക്കുന്ന ബജറ്റ്് അവതരിപ്പിച്ചുകൊണ്ട്്് ജനങ്ങള്‍ക്ക്്് പ്രതീക്ഷ പകര്‍ന്നിരിക്കുന്നു കേന്ദ്ര ധനമന്ത്രി പി.ചിദംബരം.

സമൂഹത്തെ വല്ലാതെ വിഷമിപ്പിക്കുന്ന വിപത്താണു മനുഷ്യന്റെ മദ്യാസക്തിയെന്ന കാര്യത്തില്‍ ആര്‍ക്കുമുണ്ടാകില്ല എതിരഭിപ്രായം.

സാമ്പത്തിക യാഥാര്‍ത്ഥ്യങ്ങളെ സത്യസന്ധതയോടെ അംഗീകരിച്ചുകൊണ്ടും ജനങ്ങളുടെ കയ്യടി ലാക്കാക്കിയുള്ള വീമ്പുപറച്ചിലുകള്‍ ഒഴിവാക്കിക്കൊണ്ടും മന്ത്രി പവന്‍ കുമാര്‍ ബന്‍സല്‍ ഇന്നലെ അവതരിപ്പിച്ച റെയില്‍വേ ബജറ്റിനെപ്പറ്റി പരസ്പര വിരുദ്ധമായ അഭിപ്രായങ്ങളാണുയരുന്നത്്.

ലോക മനഃസാക്ഷിയെ ഏറ്റവുമധികം ദുഃഖത്തിലാഴ്ത്തുന്ന കാട്ടാളത്തവുമായി ബഷാര്‍ അല്‍ അസദ്് എന്ന ഭീകര സ്വേച്ഛാധിപതി സിറിയയെ കാല്‍ക്കീഴിലിട്ടു കശക്കിയിട്ടും ഇടപെടാനാകാതെ മലക്കംമറിയുന്ന യു.എന്‍ സുരക്ഷാ സമിതിയുടെ സാംഗത്യവും ധാര്‍മികതയും ചോദ്യം ചെയ്യപ്പെടുന്നു.

ചരിത്രപരവും ഭൂമിശാസ്ത്രപരവുമായ കാരണങ്ങളാല്‍ ഇന്ത്യയുടെ സുപ്രധാന അയല്‍രാജ്യമെന്ന് പറയാവുന്ന ബംഗ്ലാദേശുമായി ആരോഗ്യകരമായ ബന്ധം പടുത്തുയര്‍ത്താനുള്ള യു.പി.എ സര്‍ക്കാരിന്റെ നീക്കം അനുക്രമമായി പുരോഗമിച്ചുകൊണ്ടിരിക്കുന്നത് ഇതര അയല്‍രാജ്യങ്ങളില്‍ ഉത്കണ്ഠ പടര്‍ത്തുന്നതായി നിരീക്ഷകര്‍ ചൂണ്ടിക്കാട്ടുന്നു.

മാവോയിസ്റ്റ് സാന്നിധ്യത്തിനെതിരെ ഫലപ്രദമായി പ്രവര്‍ത്തിക്കാന്‍ കേരള പൊലീസില്‍ പ്രത്യേക വിഭാഗത്തിനു രൂപം നല്‍കുന്നതിനുള്ള സംസ്ഥാന സര്‍ക്കാര്‍ തീരുമാനം അവസരോചിതവും ജനാഭിലാഷത്തെ മാനിക്കുന്നതുമാണ്.

ആഗോള സാമ്പത്തിക മാന്ദ്യത്തിന്റെ നീരാളിക്കയങ്ങളില്‍ ഭാഗികമായേ അകപ്പെട്ടുള്ളൂവെങ്കിലും കണക്കുകൂട്ടലുകള്‍ തെറ്റിച്ച സാഹചര്യങ്ങളുടെ സമ്മര്‍ദ്ദത്താല്‍

പതിനൊന്ന് തൊഴിലാളി സംഘടനകള്‍ ചേര്‍ന്ന് ആഹ്വാനം ചെയ്ത ദേശീയ പണിമുടക്ക് പൊതുജീവിതത്തിനുനേരെ കടുത്ത ഒരു ഭീഷണിയുയര്‍ത്തിക്കൊണ്ട് ആരംഭിച്ചിരിക്കുകയാണ്.

റെയില്‍വേ കേരളത്തോട് അവഗണന പുലര്‍ത്തുന്നു എന്ന പരാതി ഏറെ കേട്ട് മടുത്തിരിക്കുന്നു.

സ്ത്രീകള്‍ അബലകളാണെന്ന ധാരണ തിരുത്തേണ്ട കാലംകഴിഞ്ഞു. തുല്യനീതിക്കുവേണ്ടിയുള്ള സ്ത്രീകളുടെ പോരാട്ടം പൂര്‍ണതയില്‍ എത്തിയിട്ടില്ലെങ്കിലും നിയമത്തിന്റെ മുന്നില്‍ ഇന്ന് സ്ത്രീ-പുരുഷ വിവേചനമില്ല.

നിയമനിര്‍മാണ സഭയില്‍ ജനപ്രതിനിധികളായി എത്തുന്നവര്‍ക്ക് ഒട്ടേറെ അവകാശങ്ങളുണ്ട്.

കേരളത്തിലെ നാല് ജില്ലകളെ അയല്‍സംസ്ഥാനങ്ങളുമായി അതിരിടുന്ന വനപ്രദേശങ്ങളില്‍ മാവോ തീവ്രവാദികളുടെ സാന്നിധ്യമുള്ളതായി വാര്‍ത്തവരുന്നു.

കേരളത്തിലെ സി.പി.എം അകപ്പെട്ടിരിക്കുന്ന പ്രതിസന്ധിയുടെ ആഴം ആ പാര്‍ട്ടിയുടെ കേന്ദ്രനേതൃത്വത്തെപ്പോലും വ്യാകുലപ്പെടുത്തുന്നു.

നാടന്‍മൊഴികള്‍ കാവ്യഭാഷയായും ഗ്രാമീണജീവിതം സാഹിത്യവിഷയമായും സ്വീകരിച്ച് ലാവണ്യവിചാരങ്ങള്‍ക്ക് സാര്‍വലൗകിക മാനം നല്‍കിയ കവി ഡി. വിനയചന്ദ്രന്‍ പടിഞ്ഞാറേ കല്ലടയില്‍ നിത്യനിദ്രയിലായി.

സഹകരണമാണ് സോഷ്യലിസം  എന്ന് പറയാറുണ്ട്. കൂട്ടായ സംരംഭത്തിലൂടെയും പരസ്പരസഹായത്തിലൂടെയും മനുഷ്യജീവിതത്തിന് മേന്മയുണ്ടാക്കാനുള്ള ശ്രമം സാമൂഹ്യജീവിതത്തിന്റെ ഭാഗമാണ്.

രാജ്യത്തെ പ്രധാന പ്രതിപക്ഷത്തെ ഗുജറാത്ത് മുഖ്യമന്ത്രി വലിയ വെട്ടില്‍ വീഴ്ത്തിയിരിക്കുന്നു.

ഒഞ്ചിയത്ത് കഴിഞ്ഞവര്‍ഷം മേയ് നാലാംതീയതി ആര്‍.എം.പി നേതാവ് ടി.പി. ചന്ദ്രശേഖരന്‍ കൊല്ലപ്പെട്ട ദാരുണവും ഭീകരവുമായ സംഭവം പൊതുമനഃസാക്ഷിയില്‍ ഉയര്‍ത്തിയ അമര്‍ഷം ഇനിയും കെട്ടടങ്ങിയിട്ടില്ല.

സംസ്ഥാനത്തെ എയ്ഡഡ് സ്‌കൂളുകളില്‍ വിദ്യാര്‍ത്ഥികളുടെ എണ്ണമെടുക്കാന്‍ പൊലീസിനെ നിയോഗിക്കണമെന്ന ഹൈക്കോടതി ഉത്തരവ് ഇന്നലെ സുപ്രീംകോടതി റദ്ദാക്കി.

നാളത്തെ കേരളം' എങ്ങനെ വേണമെന്നതിനെക്കുറിച്ച് കാര്യമായ ഒരു പര്യാലോചനയ്ക്ക് തുടക്കം കുറിച്ചിരിക്കുന്നു.

നയവും നേതാവുമില്ലാതെ ഉഴലുകയാണ് രാജ്യത്തെ പ്രധാനപ്രതിപക്ഷപാര്‍ട്ടിയായ ബി.ജെ.പി. ഹിന്ദുത്വവാദവും വര്‍ഗ്ഗീയ നയവും രാജ്യത്തെ ബഹുഭൂരിപക്ഷം വരുന്ന ജനങ്ങളെ ആകര്‍ഷിക്കാന്‍ പര്യാപ്തമല്ലെന്ന് ബി.ജെ.പി നേതാക്കള്‍ക്ക് മനസ്സിലായി.

കൗമാരകേരളത്തിന്റെ ഏറ്റവും തിളക്കമാര്‍ന്ന പ്രകടനം കഴിഞ്ഞ ദിവസം ഉത്തര്‍പ്രദേശിലെ ഇറ്റാവയില്‍ ഇന്ത്യ കണ്ടു.

നഗരകേന്ദ്രീകൃത വികസനപ്രവര്‍ത്തനങ്ങള്‍ക്കൊപ്പം ഗ്രാമങ്ങളുടെ പുരോഗതി കണക്കിലെടുത്ത് ക്രിയാത്മകമായ നിര്‍ദ്ദേശങ്ങളുമായി സംസ്ഥാനത്തെ യു.ഡി.എഫ് സര്‍ക്കാര്‍ മുന്നോട്ടുപോവുകയാണ്.

സിപി.എം നേതൃത്വത്തിനെതിരെ വി.എസ്. അച്യുതാനന്ദന്‍ ഒരു തുറന്ന പോരിന് ഒരുങ്ങിയിരിക്കുകയാണ്. ലാവ്‌ലിന്‍ അഴിമതിക്കേസ് സി.പി.എം നേതാക്കള്‍ സൗകര്യപൂര്‍വം മറക്കാന്‍ ശ്രമിക്കുമ്പോള്‍ പ്രതിപക്ഷനേതാവ് പ്രതികാരപൂര്‍വം അത് എടുത്ത് പുറത്തിട്ടിരിക്കുന്നു.

റിസര്‍വ് ബാങ്ക് ഓഫ് ഇന്ത്യ അടിസ്ഥാന നിരക്കുകളില്‍ കാല്‍ ശതമാനം കുറവ് വരുത്തിയതോടെ വിവിധ ബാങ്കുകളില്‍ നിന്ന് വായ്പകളുടെ പലിശനിരക്ക് കുറയാന്‍ വഴിയൊരുങ്ങി.

സിപി.എം സംസ്ഥാന സെക്രട്ടറി പിണറായി വിജയന്‍ ഇന്നലെ ഒരു 'ചാരിത്ര്യ' പ്രസംഗവുമായി രംഗത്തുവന്നു.

ഉത്സവാഘോഷങ്ങള്‍ക്ക് ആനയെ എഴുന്നള്ളിക്കുമ്പോള്‍ കര്‍ശനമായ സുരക്ഷിതത്വ സംവിധാനം ഏര്‍പ്പെടുത്തണമെന്ന് വ്യവസ്ഥയുണ്ട്.

അഴിമതി ആരോപണങ്ങളെ തുടര്‍ന്ന് ബി.ജെ.പിയുടെ അധ്യക്ഷസ്ഥാനത്തുനിന്ന് മറ്റൊരാള്‍ കൂടി രാജിവെച്ചൊഴിഞ്ഞു.

പൊതുഗതാഗതരംഗത്ത് കെ.എസ്.ആര്‍.ടി.സിയുടെ സേവനം ആര്‍ക്കും അവഗണിക്കാവുന്നതല്ല. വരുമാനവും ലാഭവും നോക്കാതെ സംസ്ഥാനത്തെ വിദൂരഗ്രാമങ്ങളിലും മലയോരപ്രദേശങ്ങളിലും കെ.എസ്.ആര്‍.ടി.സിയുടെ സേവനം എത്തുന്നുണ്ട്.

ഇരുപത്തിയൊന്നാം നൂറ്റാണ്ടിന്റെ രണ്ടാം ദശകത്തില്‍ ഇന്ത്യന്‍ രാഷ്ട്രീയം ഏതുദിശയില്‍ നീങ്ങണമെന്ന് നിശ്ചയിക്കാന്‍ ഇന്ത്യന്‍ നാഷണല്‍ കോണ്‍ഗ്രസിന്റെ അര്‍ഹത ഉറപ്പിക്കുന്നതായിരുന്നു രാജസ്ഥാനിലെ ജയ്പൂരില്‍ കഴിഞ്ഞദിവസം സമാപിച്ച ചിന്താ ശിബിരവും തുടര്‍ന്ന് എ.ഐ.സി.സി നടത്തിയ 56 ഇന പ്രഖ്യാപനവും.

അച്യുതാനന്ദന്റെ പേഴ്‌സണല്‍ സ്റ്റാഫിലെ മൂന്നുപേര്‍ക്കെതിരെയുള്ള നടപടിക്കാര്യം തല്‍ക്കാലം ചര്‍ച്ച ചെയ്യേണ്ടെന്ന സി.പി.എം കേന്ദ്ര കമ്മറ്റി തീരുമാനം പിണറായി വിഭാഗത്തിന് കനത്ത തിരിച്ചടിയായിരിക്കുകയാണ്.

ഭാഷാ സംസ്ഥാന രൂപീകരണം അത്ര സുഗമമായ കാര്യമായിരുന്നില്ല. 1947ല്‍ വിദേശാധിപത്യത്തില്‍ നിന്ന് ഇന്ത്യ സ്വതന്ത്രമാകുമ്പോള്‍ നാട്ടുരാജ്യങ്ങള്‍ പലതും ഇന്ത്യന്‍ യൂണിയനില്‍ ലയിക്കാന്‍ അറച്ചുനിന്നു.